aYohana 7:39 - Izere New Testament

³⁹ aYeso ti fe̱ natoon Kabik Kazhe̱l'e, aya áfe a tin no̱o̱k katsak ni wu tana se̱ nasho̱o̱n. Nizen iyong, a tsang a no̱o̱k Kabik Kazhe̱l'e baꞌ, kamok a tsang a tiyiik aYeso kaye̱e̱r kaza baꞌ.

aYohana 7:39 Referans Kwoze

Itomong Ámanzo 2:17

“ ‘Adakunom fe̱ ye, kaye̱e̱r inom igang'e, mi tà shining ánerawe cice̱r be Kabik Kazhe̱l'e. Inoon yin atek be ányining tà nye kuzarap, Adakunom tà tonong ácam be nanamang katsak wu. Ásho̱n tà ren katsak Adakunom kaye̱e̱r nabos ba.

Itomong Ámanzo 2:33

Adakunom dorok aYeso nong a tú ku sak nubo̱k riya wu kufe kuyiik ne a ku no̱o̱k Kabik Kazhe̱l'e kyo̱ndi wu tá tsang a fe̱. Ike̱ng iya yin ta di yin ne i fok yin kyo̱o̱rna'me nye kunang kuya aYeso tá min no̱o̱k yir.

Itomong Ámanzo 2:4

A tú shining ba cice̱r be Kabik Kazhe̱l'e ne á kpaan kufe̱ kanu ni írem ze̱r ze̱r kyo̱ndi Kabik Kazhe̱l'e tá ka no̱o̱k ba kukyem kufe̱'me.

aYohana 16:7

Amma katsak'e ne mi ta ka tak yin: Kutseng'i tà ka sor yin ike̱ng itek kamok ke mi tseng baꞌ, Aner Kutobok ame tà be̱ baꞌ. Amma ke mi tseng mi tà se ka tom yin'e.

aYohana 12:16

Ni ime̱se̱ng'e álimazhiri wu tsang á ren ike̱ng'e baꞌ, ma nama a tá dorok aYeso be kuyiik, ba tá ra yiring'e ye, ike̱re̱'ong se ni izibir natoon wu kyo̱ndi ba tá mu ku nye'me.

aRom 8:9

Amma yin, Kabik Adakunom ne ka ti nye rigwo̱m natoon yin sang rine̱n baꞌ, ke Kabik Adakunom sor kaye̱e̱r yin. Aner aya a ta be Kabik aKiristi baꞌ, a nye afe aKiristi baꞌ.

Itomong Ámanzo 2:38

Ayong aBitrus fe̱ be ba ye, “Shishing kuse yin nong a ta ka nye yin abatisma kaye̱e̱r riyerek aYeso. A ta ka re̱ng yin rine̱n yin, nong ta se̱ yin Kabik Kazhe̱l'e kaya Adakunom ta nyesek.

aYohana 20:22

A tá fa fe̱ anong ne a nife̱e̱p isong wu niba, a tá fe̱ ye, “Inga yin Kabik Kazhe̱l'e.

aYohana 12:23

Ayong aYeso fe̱ be ba ye, “Izen a tana tiyiik Igon Anerawe n nye.

Afisa 4:30

Sang tu beseng yin Kabik Adakunom Kazhe̱l'e riye̱ baꞌ, kamok be wu ne a ta te mo yin izizo̱ nong ta sor yin afu ma katuk a tana shesh ánerawe.

2 aKoranti 3:8

to̱, kuyiik itomong Kabik ta se ane̱ e̱?

Itomong Ámanzo 4:31

Nizen iya ba tá gang kunye aduwa, yong karo̱ kaya ba tú ku nyim'e zuur, ne a ku shining ba be Kabik Kazhe̱l'e ne a taas rife̱ Adakunom be riye̱ rizining dar inyim.

Itomong Ámanzo 3:13

Adakunom aya a ta nye afe Ibrahim ne a nye afe Ishaku ne a nye afe aYakub, Adakunom atukop yir, wu ne a tiyiik asam wu aYeso. Yin tú ku sok yin i tá no̱o̱k yin áko̱k kasho̱o̱n nong á tú ku fe̱r. Yin tú ku rayin nasho̱o̱n aBilatus, aBilatus'e shim a tú ku won gye̱rtatan.

aYohana 17:5

To̱, kyo̱o̱rna Ada, ni tiyiik be kuyiik kuya mi tá be nasho̱o̱n wan nizham a tá ra nye kazatse.

aYohana 14:13

Koakye ne yin rip yin kaye̱e̱r riyerek'i, mi ta ka nye yin'e nong Ada'me ta se̱ kuyiik kamok igon'e.

aYohana 7:12

Kaye̱e̱r rigwo̱m ánerawe'me ákak fe̱ cucuk natoon aYeso. Ákak fe̱ ye, “A nye aner atek.” Ne ákak fe̱ ye, “Wayo, a wo̱ro̱k ánerawe.”

aYohana 6:14

Ánerawe tá di itomong azhing iya aYeso tá nye ayong á rife̱ ye, “Katsak'e, ayu ne a nye Aner Kuzarap aya a ta se ye a ta be̱ kaye̱e̱r kazatse.”

aYohana 1:33

Mi tsang i ku ren baꞌ, amma Adakunom afe a tin tom nong ta nye abatisma be ashi ti tak ye, ‘Aner aya wan di Kabik ti tiik ne a ni sonong natoon wu to̱, wu ne a nye aner kunye abatisma be Kabik Kazhe̱l'e.’

aYohana 1:25

rip aYohana'me ye, “Iyong akye̱ sak wan ta nye abatisma ke wan nye aKiristi, ka Iliya ka Aner Kuzarap'e baꞌ e̱?”

aYohana 1:21

Ayong á tú ku rip ye, “To̱, wan nye angan e̱? Wan ne i nye Iliya a?” Ne aYohana fe̱ be ba ye, “Wayo, mi ne i nye wu baꞌ.” “Ayong wan ne i nye Aner Kuzarap ame a?” Ne a bun a fe̱ be ba ye, “Wayo.”

aLuka 24:49

Mi tà ka tom yin ike̱ng Ada mi tá tsang a ni sak ye a tà ka no̱o̱k yin, amma sor yin kaye̱e̱r kuwo̱p na, ma a tà kis yin be kukyem kuya ku ta ne naza.”

aLuka 7:16

Cice̱r ba inyim tú ro̱, yong á kerek Adakunom ye, “Aner kuzarap agbang'e m be̱ kaye̱e̱r yir,” ne á fe̱ ye, “Adakunom m be̱ nong a ta tobok ánerawe wu.”

aLuka 3:16

aYohana fe̱ be ba ye, “Mi ta nye yin abatisma be ashi, akak afe a ta be kukyem ne a ni nar, tà be̱, afe mi tana kyem i bis idun akpatak wu baꞌ. A tà ka nye yin abatisma be Kabik Kazhe̱l'e ne kuro̱ng.

aMatiyu 16:14

Iyong á fe̱ be wu ye, “Ákak fe̱ ye, aYohana aner abatisma; ákak fe̱ ye Iliya; ne ákak bun á fe̱ ye Irimiya; ka akak kaye̱e̱r aner kuzarap ayi.”

aYohana 14:26

Amma Aner Kutobok, a ta nye Kabik Kazhe̱l'e aya Ada tana tom'e kaye̱e̱r riyerek'i, wu ne a tà ka bo̱so̱p yin koakye, ne a ka yiring yin koakye ike̱ng mi tá fe̱ be yin.

aMatiyu 21:11

Iyong áfe a ta sen kuus aYeso'me fe̱ ye, “Ayu ne a nye aYeso aner kuzarap Adakunom a ta ne na aNazaret niben aGalili.”

aYohana 8:54

aYeso tú shim ba'me ye, “Ke mi tiyiik rice mi, kuyiik'e sor ike̱ng ikak baꞌ. Ada mi aya yin ta di yin ye a nye Adakunom yin, ne a nye aner a tin tiyiik.

aYohana 16:14

A tin tiyiik, kamok a tà kok ike̱re̱ iya i ta nye inaan ne a ka taas yin.

aYohana 17:1

Nama aYeso tá fe̱ ike̱re̱ na, ne a sok rice wu naza a tá ye̱re̱k kaza nong a tá nye aduwa ye, “Ada, izen'e n nye. Tiyiik Igon wan, nong wu gip a tà ka tiyiik.

Itomong Ámanzo 19:2

ne a ka rip ba ye, “Yin se̱ yin Kabik Kazhe̱l'e nizen iya yin tin no̱o̱k yin katsak a?” Iyong á fe̱ ye, “Wayo, yir kun fok yir itak Kabik Kazhe̱l'e gum baꞌ.”