37 Katuk igang'e, i tá nye agbang kunom kunye riye̱ rikan ame, aYeso dorok a tá ta kuto̱ ye, “Aner aya a fok kuto̱ kukoor, a ra be̱ nunaan a tà so̱ ashi.
amma koangan ne a so̱ ashi mi tana ku no̱o̱k a tà ba fok kuto̱ kukoor baꞌ. Ashi mi tana ku no̱o̱k ta sor itop ashi kuro̱m wu, ife i tana ku no̱o̱k kutser kufe izen izen.”
Ayong aYeso fe̱ be ba ye, “Mi ne i nye naya naya na ta nyesek kutser. Aner aya a ta be̱ nunaan, a ba tà fok izong baꞌ. Aya a ti no̱o̱k katsak natoon'i, a tà ba fok kuto̱ kukoor baꞌ.
Kabik be Abining Afas'e fe̱ ye, “Be̱!” Aner a ta fok rife̱ na ra fe̱ ye, “Be̱.” Aner a ta fok kuto̱ kukoor ne a tse̱r ashi kuso̱, a ra be̱ a ta so̱ ashi kutser warak.
aYeso tú shim'me ye, “Ke a fa fe̱ ye wan ren kunang Adakunom ne aya a ta ka rip ashi na, ke wan tú ku rip, a ta ka no̱o̱k ashi aya a tà no̱o̱k kutser.”
A bun a fe̱ be mi ye, “An gang! Mi ne i nye Alfa ne aOmega. I ta sor ye mi ne i nye ime̱se̱ng'e ne i nye igang'e. Koangan afe a ta fok kuto̱ kukoor, mi tì ku no̱o̱k ashi a ta wuruk kaye̱e̱r itop ashi ife kutser nawarak nong a tà so̱.
Di, Kabik Kazhe̱l'e a ti nye yir abatisma kaye̱e̱r kuro̱m kuzining cice̱r yir, aner aYahuda ka aya sang a ta nye aner aYahuda baꞌ, ka asam ka aner a ta nye asam baꞌ, a min no̱o̱k yir Kabik kazining cice̱r yir nong ta so̱ yir.
Yin ta kyem i so̱ yin na ako̱p Agwo̱m Ágwo̱m ne i bun i so̱ yin na ako̱p amaan nabik baꞌ. Yin ta kyem i ya yin nakereng Agwo̱m Ágwo̱m ne i bun i ya yin nakereng amaan nabik baꞌ.
Anong gbak, nama azhibi'me yong a sok ako̱p a tá fe̱ ye, “Ako̱p na nye kushu kufas kaye̱e̱r naso̱k'i. Yiir nye yin anong nizen iya yin ta sen so̱ yin'e, nong ta yiring yin be mi.”
Ne aYohana ku tak ba be rife̱ Ishaya aner kuzarap, a tá fe̱ ye, “Mi ne i nye kuto̱ kuya ku ta yis kaye̱e̱r katse ye, ‘Nye yin iren cop kamok Agwo̱m Ágwo̱m.’ ”
aYeso ta sen bo̱so̱p ánerawe'me kaye̱e̱r kubang agbang kutu kuya Adakunom iben'e, a tá kuto̱ naza ye, “Ei, yin ti ren yin, ne i ren yin karo̱ afe mi tú ku ne, mi be̱ kube̱ rice mi baꞌ. Amma aya a tin tom nye afe katsak, yin tu ku ren yin baꞌ.
Áner riye̱ rikan ne á nye aner aya a ta be ifeng ne á shim kunye ike̱re̱ iya i ta se gye̱r nasho̱o̱n Adakunom, Adakunom tu ku no̱o̱k ba ike̱re̱ ife ba tà shim'e.