aYohana 7:31 - Izere New Testament

³¹ Gip be anong, ánerawe dide̱ng ti no̱o̱k katsak na aYeso ne á fe̱ ye, “Nizen iya aKiristi'me, a tà nye itomong azhing iya i ta nar iyuna a?”

aYohana 7:31 Referans Kwoze

aYohana 12:42

Gip be anong, ánerawe whe̱re̱ ne áko̱k kasho̱o̱n aner aYahuda ti no̱o̱k katsak ni wu. Amma kamok áner aFarisi, ba fok inyim kutonong kuraar ba kanang fan á ba ka tun ba kaye̱e̱r atu aduwa ba,

aMatiyu 12:23

Ánerawe cice̱r te zhing ne á fe̱ ye, “Ayu ne a nye Igon aDauda aꞌa?”

Itomong Ámanzo 8:13

aSiman be rice wu ti no̱o̱k katsak natoon rife̱'me yong a tú nye abatisma. Ne a kuus aFilibus koake̱, a te zhing be ike̱re̱ azhing ife wu tá di aFilibus tá nye.

aYohana 11:45

Kamok anong, áner aYahuda whe̱re̱ aya a tá tsang a be̱ nufe aMarya, di ike̱ng iya aYeso tá nye á ti no̱o̱k katsak na aYeso.

aYohana 9:16

Áner aFarisi ame ákak fe̱ ye, “Aner na ne nufe Adakunom baꞌ, kamok wu won Asabar zhe̱l baꞌ.” Amma ákak fe̱ ye, “Aner rine̱n ta nye ane̱ a ta nye itomong azhing kuri iyu e̱?” Ito̱ ba te kufa.

aYakub 2:26

Kamok anong, kyo̱ndi kuro̱m ta se dar isong nye kukom, anong ne kuno̱o̱k katsak dar kutonong itomong nye kukom'e.

aYohana 12:11

kamok natoon wu ne áner aYahuda whe̱r san i kuus aYeso ne á ni no̱o̱k katsak ni wu.

aYohana 6:2

Ne ánerawe whe̱re̱ tú ku kuus kamok ba di ike̱re̱ azhing iya a tá nye natoon áfe iro̱k.

aYohana 4:39

Áner aSamariya whe̱re̱ ti no̱o̱k katsak na aYeso kamok ike̱re̱ abining'e tá fe̱ be ba ye, “A min taas ike̱re̱ afe mi ta kun nye cei.”

aYohana 3:2

A tseng nufe aYeso natuk a tá fe̱ be wu ye, “Aner Kubo̱so̱p, yir ren yir ye wan nye aner kubo̱so̱p i ta ne nufe Adakunom. Kamok akak ta kyem a nye itomong azhing afe wan tá nye baꞌ, sang ke Adakunom se mak be wu baꞌ.”

aYohana 2:11

Iyu ne i nye ike̱ng azhing ife ime̱se̱ng aYeso tá nye, a nye nuwo̱p aKana niben aGalili. A tonong kuyiik wu azong, yong álimazhiri wu ti no̱o̱k katsak ni wu.

aLuka 8:13

Ífe i tá kpas nifang agudong se kyo̱ndi ánerawe áya a tá fok rife̱'me ne á shan be aye̱ akan, amma rife̱'me kpa agap naye̱ ba baꞌ. Á ti no̱o̱k katsak nizen cie̱k tsek, ke izen iya kubo̱mo̱ng be̱ ne á kpas.

aYohana 4:29

“Be̱ ta di yin aner akak a ti tak koakye ike̱ng mi ta kun nye. Ka wu ne a nye aKiristi ame e̱?”

aYohana 7:26

Ayuna, a fe̱ ne̱k, sang ba fe̱ ike̱ng ikak be wu baꞌ. Ka áko̱k kasho̱o̱n'e n shim ye wu ne a nye aKiristi de̱?