aYohana 7:28 - Izere New Testament

²⁸ aYeso ta sen bo̱so̱p ánerawe'me kaye̱e̱r kubang agbang kutu kuya Adakunom iben'e, a tá kuto̱ naza ye, “Ei, yin ti ren yin, ne i ren yin karo̱ afe mi tú ku ne, mi be̱ kube̱ rice mi baꞌ. Amma aya a tin tom nye afe katsak, yin tu ku ren yin baꞌ.

aYohana 7:28 Referans Kwoze

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aYohana 8:19

Ayong á tú ku rip ye, “Ada wan'e se ake̱ e̱?” aYeso fe̱ be ba ye, “Yin ti ren yin baꞌ, yin bun i ren yin Ada mi baꞌ. Yin fa ni ren yin ke yin ren yin Ada mi gip.”

aYohana 8:26

Ike̱re̱ kuse dide̱ng mi tana kyem i fe̱ ife amok natoon yin, amma wu aya afe a tin tom nye afe katsak. Ike̱re̱ mi tá fok nufu ne mi taas kazatse.”

aYohana 8:14

aYeso fe̱ be ba ye, “Ko ke mi fa fe̱ natoon rice mi, rife̱ mi nye katsak, kamok mi ren karo̱ kaya afe mi tú ku ne, be karo̱ kaya afe mi tù ku be. Amma yin ren yin karo̱ kaya afe mi tú ku ne ka karo̱ kaya afe mi tù ku be baꞌ.

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

aYohana 12:49

Kamok mi fe̱ rife̱ rice mi baꞌ, amma Ada mi afe a tin tom wu ne a ti tees ike̱ng iya mi tana fe̱ be iren iya mi tana fe̱.

aYohana 5:43

Mi be̱ riyerek Ada mi, amma yin ti shan yin baꞌ, amma ke akak be̱ kube̱ rice wu, ne yin ku shan yin.

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

1 aYohana 5:10

Koangan afe a ta no̱o̱k katsak ye aYeso ne a nye Igon Adakunom'me ren riye̱ wu ye ike̱ng Adakunom tá fe̱ nye katsak. Koangan afe a tin no̱o̱k katsak nike̱ng Adakunom tá fe̱'me baꞌ, a tonong ye Adakunom be abo̱o̱s kamok a ti no̱o̱k katsak nike̱ng Adakunom tá fe̱ natoon Igon wu baꞌ.

Ibrani 6:18

Adakunom nye anong kaye̱e̱r ike̱ng ifa a tana shishing'e baꞌ, iya Adakunom tanin bo̱ abo̱o̱s baꞌ. Yir áfe i ta te yir gbashak i ta shan yir ike̱ng iya i tá min te yir riye̱ ta tsesek yir. In yiir yir ike̱ng iya i tá min te yir riye̱ be agap ma aye̱ yir n kpa nafa.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

2 aKoranti 1:18

Kyo̱ndi yin ta ren yin ye, Adakunom nye aner a ta fe̱ ike̱ng ne a nye, anong ne rife̱ yir ta fe̱ yir be yin nye, “Ei ne ri bun nye Wayo” baꞌ.

aRom 3:4

Ko cie̱k, i se anong baꞌ. Adakunom ne a nye afe katsak dim; ánerawe be abo̱o̱s. Kyo̱ndi i ta se kaye̱e̱r izibir ye, “Nong ase̱ a ta ren ye, wan be katsak ke wan fe̱ kanu Ne wan tonong kanang ye wan nye aner katsak nizen iya a ta sen ka to̱ amok.”

aRom 1:28

Kum ánerawe'me ta gaar kushan Adakunom, Adakunom tú ku won ba kaye̱e̱r amaan kuto̱ro̱ng ba yong a ma tsang a nye ike̱re̱ iya i tá taas ke ba nye baꞌ.

Itomong Ámanzo 17:23

Kamok nizen iya mi tá tseng i gorok kaye̱e̱r kaben'e. Mi di abagadi akak a ta min zibir ye: KAMOK ADAKUNOM AYA SANG A TU KU REN BAꞌ. To̱, wu aya yin tu ku ya yin iben amma sang yin ra ku ren yin baꞌ, wu ne mi shim ta ka tak yin.

aYohana 17:25

“Ada, Wan nye azhe̱l'e, kazatse tá ka ren baꞌ gye̱r tatan, amma mi tá ren. Á ren ye wan ne i ti tom.

aYohana 16:3

Á tà nye ike̱re̱ iyong kamok sang ba n ren Ada ka mi baꞌ.

aYohana 14:31

Mi nye ike̱re̱ Ada tá fe̱ be mi ye i ra nye dim, nong kazatse tà ren ye mi shim Ada'me. “Dorok yin, ta tseng yir.

aYohana 14:10

Wan ti no̱o̱k katsak ye mi se kaye̱e̱r Ada'me, ne Ada'me se kaye̱e̱r'i aꞌa? Rife̱ mi tá fe̱ be yin nye rife̱ rice mi baꞌ, Ada'me afe a ta se kaye̱e̱r'i ne a sen nye itomong wu.

aYohana 10:36

Mi ne Ada ti sak i tá te zhe̱l, ne a ni tom nazatse, rife̱ kuzhe̱e̱sh ne mi tá fe̱ ye mi nye Igon Adakunom a?

aYohana 8:16

Amma ke mi to̱ amok'e, amok'i nye katsak, kamok mi se mi ze̱r baꞌ. Mi se mak be Ada mi aya a tin tom.

aYohana 5:32

Amma akak kuse a ta fe̱ rife̱ natoon'i, mi ren ike̱ng ife wu ta sen fe̱'me natoon'i nye katsak.

aYohana 3:33

Amma aner aya a ta shan rife̱ wu tonong ye Adakunom nye katsak.

aYohana 3:2

A tseng nufe aYeso natuk a tá fe̱ be wu ye, “Aner Kubo̱so̱p, yir ren yir ye wan nye aner kubo̱so̱p i ta ne nufe Adakunom. Kamok akak ta kyem a nye itomong azhing afe wan tá nye baꞌ, sang ke Adakunom se mak be wu baꞌ.”

aYohana 1:46

Ayong aNataniyel fe̱ ye, “I se ye ike̱ng ikak itek tà wuruk na aNazaret a?” Ne aFilibus fe̱ be wu ye, “Be̱ ta di.”

aLuka 10:22

“Ada, mi n won koakye nubo̱k wan. Akak ren Igon'e baꞌ, ma Ada'me tsek. Akak ren Ada'me baꞌ, ma Igon'e be áya Igon'e ta shim a tu ku ren ba.”

aLuka 2:51

Ayong a tseng na aNazaret mak be ba ne a kuus ike̱ng iya ba tá fe̱. Ango̱ wu saas ike̱re̱'me kaye̱e̱r riye̱ wu cei.

aLuka 2:39

Nizen aYusufu be aMarya tá fa gang i nye ike̱re̱ Itsi Adakunom tá shim cei, á tú bun na aGalili á tá be nuwo̱p ba na aNazaret.

aLuka 2:11

Katuur a ma ka tes yin aner kashesh nuwo̱p aDauda, wu ne a nye aKiristi, aya a ta nye Agwo̱m Ágwo̱m.

aLuka 2:4

Ayong aYusufu gip a dorok na aNazaret niben aGalili, a tá be niben aYahuda nuwo̱p aDauda, a ta yis ye aBetalami, kamok wu nye aner kasa aDauda.

aMatiyu 2:23

Ne a tseng a tá se sor nuwo̱p a tá yis ye aNazaret. Anong ne a shining ike̱ng iya áner kuzarap ákak tá fe̱ ye, “A tù ku yis ye, afu Nazaret.”

aYohana 7:14

A tá bo̱ karo̱ dide̱ng ni inye riye̱ rikan'e ne aYeso ma tseng kaye̱e̱r kubang agbang kutu kuya Adakunom iben'e nong a tá san ibo̱so̱p ánerawe'me.

aMatiyu 26:55

Nizen iyong aYeso fe̱ be rigwo̱m ánerawe'me ye, “Mi nye akpatang yin ta be̱ yin be ishe̱n ne ítsor nong tin yiir yin e̱? Koakye kunom mi sor kaye̱e̱r agbang kutu kuya Adakunom iben ne i bo̱so̱p ánerawe'me, yin ti yiir yin baꞌ.

aYohana 6:42

Iyong ba fe̱ ye, “Aser, ayu ne a nye aYeso igon aYusufu, aya yir ta ren yir anyining be atek aꞌa? Akye̱ sak wu ta fe̱ ye, ‘Mi ne naza e̱?’ ”

aYohana 9:29

Yir ren yir ye Adakunom fe̱ kanu be aMusa, amma yir ren yir ka ake̱ ne aner na ne baꞌ.”