aYohana 7:23 - Izere New Testament

²³ To̱, ke i nye ye a ta kyem a nye igon izhak katuk Asabar nong a ta kuus Itsi aMusa, akye̱ sak yin be yin riye̱ riwe be mi, kamok mi ta sak ánerawe ta te atser cei katuk Asabar e̱?

aYohana 7:23 Referans Kwoze

aMatiyu 12:5

Ka yin kun fa yin kaye̱e̱r kufumung Itsi aMusa ye, ‘Katuk Asabar atsi nye ike̱ng iya i ta nye itek baꞌ, gip be anong ko i sor rine̱n baꞌ’ aꞌa?

aMatiyu 12:2

Nizen iya aner aFarisi tá di anong, iyong a fe̱ be aYeso ye, “Di, álimazhiri wan sen nye ike̱ng iya a tá roon'e katuk Asabar.”

aMatiyu 12:10

Aner akak tuse azong kubo̱k tá we̱. Áner aFarisi shim nong a ta di ka aYeso ta taam, iyong á tú ku rip ye, “I nye Itsi a tana sak akak tá te atser katuk Asabar a?”

aYohana 5:10

Iyong afu Yahuda fe̱ be aner a tá te atser ame ye, “Katuur nye Asabar, Itsi ta roon i sok ike̱ng kameneng wan.”

aYohana 7:21

Ayong aYeso fe̱ be ba ye, “Mi nye ike̱ng azhing izining tsek, amma yin te yin zhing cice̱r yin.

aYohana 9:16

Áner aFarisi ame ákak fe̱ ye, “Aner na ne nufe Adakunom baꞌ, kamok wu won Asabar zhe̱l baꞌ.” Amma ákak fe̱ ye, “Aner rine̱n ta nye ane̱ a ta nye itomong azhing kuri iyu e̱?” Ito̱ ba te kufa.