aYohana 7:17 - Izere New Testament

¹⁷ Aner aya a ta shim a ta nye ike̱ng iya Adakunom ta shim, a ta ren ye kubo̱so̱p'i ne nufe Adakunom, sang kufe rice mi.

aYohana 7:17 Referans Kwoze

aYohana 8:43

Akye̱ sak yin ren yin ike̱ng iya mi tin fe̱ baꞌ e̱? Kamok yin kyem i fok yin rife̱ mi baꞌ.

aYohana 8:47

Aya a ta nye afe Adakunom foos ike̱ng iya Adakunom ta fe̱. Yin wesek yin kuto baꞌ, kamok yin nye yin áfe Adakunom baꞌ.”

Itomong Ámanzo 17:11

To̱, áner aYahuda á tá se na aBiriya be kuse kutek ne á nar aya a tá se na aTasalonika, kamok á shan Rife̱ Ritek'e be ifeng dide̱ng. Á ti sak riye̱ á tá fa kufumung rife̱ ye̱r ye̱r ne á maas á tá di ka ike̱ng iya aBulus tá fe̱ nye katsak'e.

aLuka 8:15

Íca ife i ta kpas niben itek nye áner aya a tá shan rife̱'me be riye̱ rizining, áfe a ta fok rife̱ Adakunom ne á ninye itomong ne á na ka tsesek ma ne á te ike̱ng itek.

aMatiyu 6:22

“Anyisi se kyo̱ndi apitila kuro̱m. Ke anyisi wan nye atser, kuro̱m wan cice̱r ta se na akanang.

aYohana 3:21

Amma aya a ta nye katsak shim kube̱ na akanang nong a ta tonong kanang ye kunye wu ta nye Adakunom ne a tu se̱ mo.”

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.