aYohana 7:14 - Izere New Testament

¹⁴ A tá bo̱ karo̱ dide̱ng ni inye riye̱ rikan'e ne aYeso ma tseng kaye̱e̱r kubang agbang kutu kuya Adakunom iben'e nong a tá san ibo̱so̱p ánerawe'me.

aYohana 7:14 Referans Kwoze

aYohana 7:28

aYeso ta sen bo̱so̱p ánerawe'me kaye̱e̱r kubang agbang kutu kuya Adakunom iben'e, a tá kuto̱ naza ye, “Ei, yin ti ren yin, ne i ren yin karo̱ afe mi tú ku ne, mi be̱ kube̱ rice mi baꞌ. Amma aya a tin tom nye afe katsak, yin tu ku ren yin baꞌ.

aLuka 19:47

aYeso bo̱so̱p ánerawe'me koakye katuk kaye̱e̱r agbang kutu kuya Adakunom iben'e, ágbang átsi be áfe kubo̱so̱p Itsi ne áko̱k kasho̱o̱n kaye̱e̱r ánerawe'me tse̱r á tú ku fe̱r.

aYohana 18:20

aYeso fe̱ be wu ye, “Ei, mi fe̱ koakye ike̱ng kanang nasho̱o̱n koangan. Mi bun ibo̱so̱p ánerawe'me kaye̱e̱r atu aduwa ne kaye̱e̱r agbang kutu kuya Adakunom iben naro̱ kaya áner aYahuda tú ku nyiis cice̱r. Mi kun i fe̱ ike̱ng ikak ni nune̱re̱ng baꞌ.

aYohana 8:2

Nadiding bop aYeso bun a tu bun nubang agbang kutu kuya Adakunom iben. Ánerawe cice̱r be̱s á tú ku gorok yong yong aYeso sonong nong a tú ku bo̱so̱p ba'me.

aYohana 7:37

Katuk igang'e, i tá nye agbang kunom kunye riye̱ rikan ame, aYeso dorok a tá ta kuto̱ ye, “Aner aya a fok kuto̱ kukoor, a ra be̱ nunaan a tà so̱ ashi.

aYohana 7:2

Izen kunye Riye̱ Rikan áner aYahuda nong á yiring be kusor ba kaye̱e̱r nabur ta be̱ barak,

aYohana 5:14

Nama izen cie̱k aYeso su ku se̱ kaye̱e̱r agbang kutu kuya Adakunom iben, ne a fe̱ be wu ye, “Di wan te atser kyo̱o̱rna, won kunye rine̱n fan ike̱ng ikak iya i ta nar iyong imaan'e ba ka se̱.”

aMatiyu 26:55

Nizen iyong aYeso fe̱ be rigwo̱m ánerawe'me ye, “Mi nye akpatang yin ta be̱ yin be ishe̱n ne ítsor nong tin yiir yin e̱? Koakye kunom mi sor kaye̱e̱r agbang kutu kuya Adakunom iben ne i bo̱so̱p ánerawe'me, yin ti yiir yin baꞌ.

aMatiyu 21:12

Ayong aYeso no̱ kaye̱e̱r kubang agbang kutu kuya Adakunom iben nong a tá ro áfe á tá sen re̱e̱s ike̱re̱ ne áfe kushashang cice̱r. A gaas ike̱re̱ áfe kushishing itso̱m ne ítsik afe kure̱e̱s ábo̱p.

aYohana 8:20

aYeso fe̱ rife̱ na nizen iya a tá se be kubo̱so̱p kaye̱e̱r agbang kutu kuya Adakunom iben, bubarak be karo̱ a tú ku saas abeko. Amma gip be anong, ko akak tú yiir baꞌ, kamok izen wu tsang i nye baꞌ.