aYohana 7:12 - Izere New Testament

¹² Kaye̱e̱r rigwo̱m ánerawe'me ákak fe̱ cucuk natoon aYeso. Ákak fe̱ ye, “A nye aner atek.” Ne ákak fe̱ ye, “Wayo, a wo̱ro̱k ánerawe.”

aYohana 7:12 Referans Kwoze

aYohana 9:16

Áner aFarisi ame ákak fe̱ ye, “Aner na ne nufe Adakunom baꞌ, kamok wu won Asabar zhe̱l baꞌ.” Amma ákak fe̱ ye, “Aner rine̱n ta nye ane̱ a ta nye itomong azhing kuri iyu e̱?” Ito̱ ba te kufa.

aYohana 7:47

Ne áner aFarisi ame ku rip ba ye, “Ka yin gip a tá ka wo̱ro̱k yin e̱?

aYohana 7:32

Áner aFarisi fok ánerawe tá tsang á fe̱ cucuk natoon aYeso, yong ágbang atsi ne áner aFarisi'me tom áfe a ta tor agbang kutu kuya Adakunom iben'e ye á ra se yiir aYeso'me.

aFilipi 2:14

Koakye yin tana nye yin sang tu nye yin ike̱ng ikak be anyinye̱m ka be nanaan baꞌ,

aRom 5:7

I ta ro̱ aner akak tana ku kamok áner aya a ta se gye̱r, amma kashim akak ta kyem a ku kamok áner aya a ta tonong kuse kutek.

Itomong Ámanzo 11:24

aBarnabas nye aner a ta be kuse kutek be Kabik Kazhe̱l'e ne kuno̱o̱k katsak. Ánerawe dide̱ng ti barang kube̱s nufe Agwo̱m Ágwo̱m.

aYohana 7:52

Ayong á fe̱ be wu ye, “Wan nye aner aGalili'me gip a? Fa rife̱ Adakunom ta di, aner kuzarap kun wuruk na aGalili baꞌ.”

aYohana 6:14

Ánerawe tá di itomong azhing iya aYeso tá nye ayong á rife̱ ye, “Katsak'e, ayu ne a nye Aner Kuzarap aya a ta se ye a ta be̱ kaye̱e̱r kazatse.”

aLuka 23:50

Aner Arimatiya akak tuse riyerek wu tá nye aYusufu niben aYahuda, a nye azining kaye̱e̱r áko̱k kasho̱o̱n aner aYahuda. A nye aner atek, ne a se gye̱r nasho̱o̱n Adakunom.

aLuka 23:47

Izen iya aritek ásozha'me akak tá fa di anong yong a kerek Adakunom, ne a fe̱ ye, “Katsak'e aner na nye azhe̱l'e.”

aLuka 18:19

Ne aYeso fe̱ be wu ye, “Akye̱ sak wan tin yis ye aner atek e̱? Akak kuse a ta nye atek ze̱e̱r be Adakunom baꞌ.

aLuka 7:16

Cice̱r ba inyim tú ro̱, yong á kerek Adakunom ye, “Aner kuzarap agbang'e m be̱ kaye̱e̱r yir,” ne á fe̱ ye, “Adakunom m be̱ nong a ta tobok ánerawe wu.”

aLuka 6:45

Aner atek fe̱ Rife̱ Ritek kamok kuto̱ro̱ng wu nye kutek, amma amaan aner fe̱ amaan rife̱ kamok kuto̱ro̱ng wu tá nye kumaan'e. Kamok ike̱ng iya i ta se kaye̱e̱r riye̱ ne i wuruk nanu.”

aMatiyu 27:63

Á tá fe̱ be wu ye, “Kunom ra be rigwo̱m, yir ru yiring yir be ike̱ng aner abo̱o̱s ame tá fe̱ kum ne a rusek be kutser ye nama inom itaar a ta bun a dorok be kutser.

aMatiyu 21:46

Iyong á tse̱r iren nong á tu ku yiir, amma á tá fok inyim ánerawe kamok ánerawe'me shim ye aYeso nye aner kuzarap.

aMatiyu 10:25

I ta se gye̱r aner a ta sen bo̱so̱p'e ta se kyo̱ndi aner a tu ku bo̱so̱p'e, ne asam te kyo̱ndi atekasa wu. Ke ba fe̱ be atekasa'me ye a nye aBazabul, to̱, a ta fe̱ ane̱ be aner kasa wu e̱?