aYohana 6:69 - Izere New Testament

⁶⁹ Yir ti no̱o̱k yir katsak ne i ren yir ye wan ne i nye Azhe̱l'e afe Adakunom.”

aYohana 6:69 Referans Kwoze

aYohana 11:27

Ayong aMarta fe̱ be aYeso ye, “Ei, wan nye Agwo̱m Ágwo̱m, mi ti no̱o̱k katsak ye wan ne i nye aKiristi'me, Igon Adakunom, aya a tá fe̱ ye a tà be̱ nazatse.”

aLuka 9:20

Ayong aYeso tú rip ba ye, “To̱, yin ne e̱? Yin di yin ye, mi nye angan e̱?” Ayong aBitrus fe̱ ye, “Wan ne i nye aKiristi afe Adakunom tá tom.”

aMarkus 8:29

Ayong aYeso tú rip ba ye, “To̱, yin ne e̱? Yin di yin ye, mi nye angan e̱?” Ayong aBitrus fe̱ ye, “Wan ne i nye aKiristi.”

1 aYohana 5:1

Koangan afe a ta no̱o̱k katsak ye aYeso nye aKiristi, nye igon Adakunom. Koangan afe a ta shim Ada'me, a tà shim igon'e gip.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aRom 1:3

Rife̱ Ritek'e se natoon Igon wu aya a tá nye kuri aDauda nuro̱m.

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

aYohana 20:28

Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”

aYohana 1:41

Ike̱ng ife ime̱se̱ng'e Adarawus ta nye, nye a tse̱r aronyining wu aSiman, a tu ku tak ye, “Yir n se̱ yir aKiristi (wu nye a nye aMasihu).”

aYohana 1:29

Katuk afe afa aYohana di aYeso saase nufu, yong a fe̱ ye, “Di yin, Aturuk Adakunom, aya a tan n sok rine̱n kazatse!

aMarkus 1:24

ye, “aYeso afu aNazaret, wan tse̱r akye̱ be yir e̱? Wan m be̱ ta bin fe̱s yir a? Mi ta ren, wan nye Azhe̱l'e afe Adakunom!”

aMatiyu 16:16

Ayong aBitrus fe̱ be wu ye, “Wan ne i nye aKiristi, Igon Adakunom afe kuter.”

Itomong Ámanzo 8:36

Kaye̱e̱r kutseng, á be̱ ba naro̱ kakak ashi tú ku se ne aritek ame fe̱ be aFilibus'e ye, “Di ashi na, akye̱ ta roon ku ninye abatisma ame aze e̱?

aMarkus 1:1

Iyuna ne i nye ime̱se̱ng Rife̱ Ritek natoon aYeso Kiristi, Igon Adakunom'me.

aYohana 10:36

Mi ne Ada ti sak i tá te zhe̱l, ne a ni tom nazatse, rife̱ kuzhe̱e̱sh ne mi tá fe̱ ye mi nye Igon Adakunom a?

Afisa 4:13

Be anong ne yir cice̱r i se̱ yir kuno̱o̱k katsak kuzining natoon Agwo̱m Ágwo̱m ne i te yir azining natoon kuren Igon Adakunom. Yir ta te yir áner aya a tan te ánerawe nong ta se yir natoon kagarang kaya ka ta se gye̱r kyo̱ndi aKiristi.

1 aYohana 4:16

Kamok anong yir ren yir ne i ni fereng yir nushim Adakunom kufe katsak a ta be natoon yir. Adakunom nye kushim. Koangan afe a ta shim ánerawe se kaye̱e̱r Adakunom ne Adakunom se kaye̱e̱r wu gip.