aYohana 6:64 - Izere New Testament

⁶⁴ Gip be anong, ákak yin kuse áfe sang á tin no̱o̱k katsak baꞌ.” Kum ni ime̱se̱ng'e aYeso tsang a ren áya a tin no̱o̱k katsak baꞌ, be aya a tana ku re̱p.

aYohana 6:64 Referans Kwoze

aYohana 10:26

Amma yin ti no̱o̱k yin katsak baꞌ, kamok yin nye yin itsamang kaming'i baꞌ.

Ibrani 4:13

Ike̱ng ikak kuse nune̱re̱ng nazatse nasho̱o̱n Adakunom baꞌ. Koakye ike̱ng se de̱s, i se kanang nasho̱o̱n wu. Nasho̱o̱n wu ne i ta nyeseng yir nong tà taas yir koakye ike̱ng i tá nye yir.

2 aTimoti 2:19

Gip be anong, katsak rife̱ Adakunom'me ri ta nye itsik'e rusek kpa be izibir natoon'e ye, “Adakunom ren áya a ta nye áfu,” be, “Koangan aya a ta fe̱ ye wu nye afe Agwo̱m Ágwo̱m a ra won amaan kunye wu dim.”

aRom 8:29

Kamok aya Adakunom tá tsang a kasa gbugbang ne a ku sak ba ze̱e̱r nong a tá sok kuse Igon wu, Igon'e ta sor asho̱n kaye̱e̱r ároneng whe̱re̱.

aYohana 6:61

aYeso tá ren ye álimazhiri wu sen fe̱ nyinye̱m natoon kubo̱so̱p'e yong a fe̱ be ba ye, “Kubo̱so̱p na ta beseng yin aye̱ a?

aYohana 5:42

Amma mi ta ren yin, yin be yin kushim Adakunom naye̱ yin baꞌ.

Itomong Ámanzo 15:18

wu afe a tu ku ren kum gbugbang.

aYohana 6:66

Nama anong álimazhiri wu whe̱re̱ tú bun kama, á ba ku kus baꞌ.

aYohana 6:36

Kyo̱ndi mi tá ka tak yin, yin min di yin, gip be anong yin ti no̱o̱k yin katsak baꞌ.

aYohana 8:55

Yin tu ren yin baꞌ, amma mi tu ku ren. Ke mi fe̱ ye mi tu ku ren baꞌ, i nye ye mi nye aner abo̱o̱s kyo̱ndi yin, amma mi tu ku ren ne i kuus rife̱ wu.

aYohana 8:23

Amma aYeso ya kasho̱o̱n be rife̱ ye, “Yin ne yin kaben; Mi ne naza. Yin nye yin áfe kazatse na, mi nye afe kazatse na baꞌ.

aMatiyu 10:4

be aSiman aya a tú ku yis ye aner a tá be rifuup kaben wu ne aYahuza Iskariyot aya a tá re̱p aYeso nama.

aYohana 6:60

Be kufok ike̱ng a tá fe̱ ákak kaye̱e̱r álimazhiri wu whe̱r fe̱ ye, “Kubo̱so̱p kuyu ro̱ dide̱ng. Angan ta shim e̱?”

aYohana 18:4

aYeso tá ren ike̱ng iya i tana ku se̱ cei, ayong a wuruk nong a tá fe̱ be ba ye, “Yin tse̱r yin angan e̱?”