aYohana 6:61 - Izere New Testament

⁶¹ aYeso tá ren ye álimazhiri wu sen fe̱ nyinye̱m natoon kubo̱so̱p'e yong a fe̱ be ba ye, “Kubo̱so̱p na ta beseng yin aye̱ a?

aYohana 6:61 Referans Kwoze

aYohana 6:64

Gip be anong, ákak yin kuse áfe sang á tin no̱o̱k katsak baꞌ.” Kum ni ime̱se̱ng'e aYeso tsang a ren áya a tin no̱o̱k katsak baꞌ, be aya a tana ku re̱p.

Ike̱ng a ta tonong aYohana 2:23

Mi tà fe̱s inoon wu cei nong ase̱ áfikuus cice̱r tà ren ye, mi ne i nye afe kuye̱re̱k aye̱ ánerawe be kuto̱ro̱ng ba cei. Mi tù ku karang koangan yin tite̱re̱ be itomong wu.

Ibrani 4:13

Ike̱ng ikak kuse nune̱re̱ng nazatse nasho̱o̱n Adakunom baꞌ. Koakye ike̱ng se de̱s, i se kanang nasho̱o̱n wu. Nasho̱o̱n wu ne i ta nyeseng yir nong tà taas yir koakye ike̱ng i tá nye yir.

aYohana 21:17

aYeso bun a tú ku rip kutak kufe ataar ye, “aSiman igon aYohana, wan ti shim a?” Ayong aBitrus nye riye̱ riwe kamok kurip kufe ataar aYeso tá bu a tú ku rip ye, “Wan ti shim be katsak a?” Ayong wu fe̱ ye, “Atekasa, Ei, wan ren koakye, wan ren mi tá shim.” aYeso fe̱ be wu ye “To̱, nyeseng ítsamang'i naya.

aMatiyu 11:6

Aner riye̱ rikan ne a nye aner aya a tin be agak riye̱ natoon mi baꞌ.”

aMatiyu 17:27

Gip be anong, nong fan ánerawe bu beseng aye̱ be yir, tseng nudung ta se te agunung wan. Sok izos ife ime̱se̱ng'e wan ta yiir nong ta ngamang kanu'me, wan tà se̱ ica itso̱m kaye̱e̱r'e. Sok tá su ku karang mo ba itso̱m inaan be ifuan.”

aYohana 16:19

aYeso tá ren ye álimazhiri wu shim á tú ku rip natoon ike̱ng'ong, ayong a fe̱ be ba ye, “Yin sen na ka risim yin ike̱ng iya rife̱ mi tá sor, mi tá fe̱ ye, ‘Nizen cie̱k yin tà bin di yin baꞌ, amma nama izen cie̱k ne yin bun ni di yin’ a?