aYohana 6:51 - Izere New Testament

⁵¹ Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

aYohana 6:51 Referans Kwoze

aLuka 22:19

Ne a sok abiredi, a ta tonong Adakunom riye̱ rikan ne a te̱se̱ng a tú ku no̱o̱k ba, ne a fe̱ be ba ye, “Kuro̱m'i na, a ta no̱o̱k kamok yin, yiir nye yin ana nong tà yiring yin be mi.”

aYohana 6:33

Naya Adakunom nye aya a tá ne naza a tá tiik kaben ne a no̱o̱k kazatse kutser.”

aYohana 3:13

Akak kun tseng naza baꞌ, ma ke aya a ta ne naza, wu ne a nye Igon Ánerawe.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

aMatiyu 20:28

Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”

Ibrani 10:20

Wu ti karak yir iren ifas iren kutser iya i ta gor ikarak alaple, iyong nye kuro̱m wu a tá no̱o̱k.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

1 aBitrus 2:4

Be̱ yin nufu, wu aya a ta se kyo̱ndi kuta rino̱k kutser. Wu ne a nye kuta kuya ánerawe tá raba, amma Adakunom tú ku kasa ne a ku sok yiik.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

aYohana 1:29

Katuk afe afa aYohana di aYeso saase nufu, yong a fe̱ ye, “Di yin, Aturuk Adakunom, aya a tan n sok rine̱n kazatse!

1 aYohana 4:14

Yir n di yir be anyisi yir ne i bun i taas yir ánerawe katsak'e ye Adakunom n tom Igon wu nong ka tà sor aner a tana shesh kazatse na.

1 aYohana 4:10

Iyu ne i nye kushim'e. Sang yir ne i shim yir Adakunom baꞌ, wu ne a ti shim yir, ne a tom Igon wu nong ka tá be̱ ku kyo̱ndi asidaka kure̱ng rine̱n yir.

1 aYohana 2:2

Wu ne a nye asidaka kure̱ng rine̱n yir. Kamok yir tsek baꞌ, amma ánerawe kazatse cei.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

Afisa 5:25

Yin átek, afe i tan nye yin iwe̱ne̱ng, shim yin ányining yin kyo̱ndi aKiristi ta shim áfikuus ma a no̱o̱k rice wu kamok'e,

2 aKoranti 5:19

Rife̱ yir se ye, Adakunom shishing ánerawe kazatse nong á ta te áferime̱ wu kamok aKiristi. Adakunom fa rine̱n ba natoon rice ba baꞌ. A ti no̱o̱k yir rife̱ ánerawe tana te áferime̱ wu.

aYohana 7:38

Koangan afe a tin no̱o̱k katsak ni mi, kyo̱ndi rife̱ Adakunom ta fe̱ ye, kaye̱e̱r wu ne itop ashi kutser tà wo̱k.”

aYohana 3:14

Kyo̱ndi aMusa tá sok iwhen naza kaye̱e̱r katse anong ne a tá sok Igon Anerawe naza dim.

aYohana 3:36

Koangan ne a tin no̱o̱k katsak ni Igon'e, a be kutser kufe izen izen. Amma afe a ta rawu Igon'e, a tà se̱ kutser'ong baꞌ, kamok riye̱ kubeseng Adakunom se rice wu.”

aYohana 5:24

“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser.

aYohana 6:35

Ayong aYeso fe̱ be ba ye, “Mi ne i nye naya naya na ta nyesek kutser. Aner aya a ta be̱ nunaan, a ba tà fok izong baꞌ. Aya a ti no̱o̱k katsak natoon'i, a tà ba fok kuto̱ kukoor baꞌ.

aYohana 6:41

Iyong áner aYahuda san anyinye̱m natoon aYeso kamok wu tá fe̱ ye, “Mi ne i nye abiredi aya a tá ne naza.”

aYohana 6:47

Katsak'e ne mi ta ka tak yin, aner aya a tin no̱o̱k katsak ni mi, a be kutser kufe izen izen.

aYohana 6:48

Mi ne i nye naya kutser.

aYohana 6:50

Amma ayu ne a nye naya naya na ta ne naza, ke akak ya a tà ku baꞌ ma izen izen.

aYohana 11:26

ne koangan afe a ta se be kutser gip ke a ti no̱o̱k katsak ni mi a tà ku baꞌ ma izen izen. Wan ti no̱o̱k katsak rife̱ na a?”