aYohana 6:46 - Izere New Testament

⁴⁶ Akak kun di Ada'me baꞌ, ma ke aya a ta ne nufe Adakunom, wu tsek ne a kun di Ada'me.

aYohana 6:46 Referans Kwoze

aYohana 1:18

Aner akak kun di Adakunom baꞌ. Amma asuze̱r ke Igon wu tsek, aya a ta se rifam Atek wu, ne a sak yir tú ku ren yir.

aYohana 7:29

Mi tú ku ren kamok mi ne nufu, wu ne a ti tom.”

aLuka 10:22

“Ada, mi n won koakye nubo̱k wan. Akak ren Igon'e baꞌ, ma Ada'me tsek. Akak ren Ada'me baꞌ, ma Igon'e be áya Igon'e ta shim a tu ku ren ba.”

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

1 aTimoti 6:16

Wu ze̱e̱r ne a ku baꞌ a sor na akanang aya akak tana kyem a tseng bubarak be wu baꞌ, aya akak ta kun ku di ka a ta kyem a ku di baꞌ. Kuyiik be kukyem nye kufu ma izen izen. Anong.

1 aYohana 4:12

Akak kun di Adakunom be anyisi baꞌ amma ke i naka shim yir, i nye ye Adakunom se kaye̱e̱r aye̱ yir ne kushim wu shining kaye̱e̱r aye̱ yir makiyi.

aKolosi 1:15

aKiristi ne a nye aner aya a ta tas Adakunom afe sang a tu ku di baꞌ, wu ne a nye igon ime̱se̱ng'e kaye̱e̱r ike̱re̱ Adakunom tá nye cice̱r.

aYohana 15:24

Mi nye ike̱ng dide̱ng iya ánerawe tá baꞌ, kaye̱e̱r ba. Ke a fa fe̱ ye mi nye ba', ke a di rine̱n ba baꞌ. Amma kyo̱o̱rna ba n di itomong azhing iya mi tá nye, gip be anong, ba ti ramin ne á raba Ada mi.

aYohana 8:55

Yin tu ren yin baꞌ, amma mi tu ku ren. Ke mi fe̱ ye mi tu ku ren baꞌ, i nye ye mi nye aner abo̱o̱s kyo̱ndi yin, amma mi tu ku ren ne i kuus rife̱ wu.

aYohana 8:19

Ayong á tú ku rip ye, “Ada wan'e se ake̱ e̱?” aYeso fe̱ be ba ye, “Yin ti ren yin baꞌ, yin bun i ren yin Ada mi baꞌ. Yin fa ni ren yin ke yin ren yin Ada mi gip.”

aYohana 5:37

Ada'me afe a tin tom'e, fe̱ natoon'i, yin kun fok yin kuto̱ wu ka yin kun ku di yin baꞌ.

aYohana 14:7

Ke yin fan ni ren yin ke yin ren yin Ada mi. Amma kyo̱o̱rna, yin tu ren yin, yin mu ku di yin.”