aYohana 6:45 - Izere New Testament

⁴⁵ I se ni izibir kaye̱e̱r afumung áner kuzarap agbugbang'e ye, ‘Adakunom ne a tu ku bo̱so̱p ba'me cice̱r ba.’ Koangan afe a ta wesek kuto na Ada'me ne a bo̱so̱p nufu, a ta be̱ nunaan.

aYohana 6:45 Referans Kwoze

Ibrani 10:16

“Adakunom fe̱ ye, iyu nye kushu mi tana nye be ba. Nama anong mi tà ka te ba Itsi mi kaye̱e̱r aye̱ ba ne mi bun i ka zibir ba'me naye̱.”

1 aTasalonika 4:9

Kyo̱o̱rna, natoon kushim áronyining yin áfikuus, yir be yir ike̱ng ikak i tana ka zibir yin'e natoon iyong baꞌ, kamok yin be rice yin, Adakunom ne a tá ka bo̱so̱p yin'e ye yin ra naka shim yin.

aYohana 6:65

Iyong a ya kasho̱o̱n be rife̱ ye, “Iyu ne i sak mi tá ka tak yin ye, akak ta kyem a be̱ nunaan baꞌ, ma ke Ada'me tú se̱ mo.”

aYohana 6:37

Koangan afe Ada tin no̱o̱k, a tà be̱ nunaan. Aner aya afe a ta be̱ nunaan, mi tù ku ro baꞌ.

aMatiyu 17:5

Kum ne a ru fe̱ kanu, kune̱n kukak ku ta se kanang be̱ ku tú kis ba ne kuto̱ kukak wuruk naza ye, “Ayu ne a nye Igon'i kaya mi ta shim. Mi fok kasas wu dide̱ng. Ku fok yin kuto.”

Afisa 1:17

Mi yiir kunye aduwa ye Adakunom afe Agwo̱m Ágwo̱m yir aYeso Kiristi, Ada yir ayiik'e ye a ra ka no̱o̱k yin kabik kafe kukyem ne kafe kuren ike̱ng nong ase̱ yin tù ku ren yin dide̱ng.

aYohana 10:27

Itamang'i fok kuto̱ mi, mi ta ren ba ne ba ni kuus.

aLuka 18:31

aYeso na ka korok be álimazhiri wu kuso̱k be afa nukim nong a tá fe̱ be ba ye, “Yir ngarak yir i be yir na aUshalima nong koakye áner kuzarap tá zibir natoon Igon Anerawe ta shining.

aLuka 1:70

Kyo̱ndi wu tá fe̱ ni nanu áner kuzarap wu azhe̱l'e agbugbang'e.

aMarkus 1:2

Kyo̱ndi a tá zibir kaye̱e̱r kufumung Ishaya, aner kuzarap ye: “Mi tà tom atom mi nasho̱o̱n wan, aya a tana ka nye iren,”

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

Itomong Ámanzo 7:42

Amma Adakunom tú kirik ba kama a tú ku won ba a tá ya ike̱re̱ iya i tá se natoon kaza iben, kyo̱ndi a tá zibir nufumung aner kuzarap ye, “ ‘Yin áner Isarela, sang mi ne yin ti nye yin asidaka kaye̱e̱r katse afe aye̱ iso̱k inaas baꞌ.

Itomong Ámanzo 13:40

Sak yin riye̱ fan ike̱ng iya áner kuzarap tan fe̱ bu ni shining natoon yin.

aFilipi 3:15

Kamok anong, yir áya i tan te yir ánerawe cice̱r kaye̱e̱r kabik, kuto̱ro̱ng yir ra se anong. Amma ke akak yin be kuto̱ro̱ng kukak ze̱e̱r, to̱, Adakunom tà ka tonong yin.

1 aYohana 2:27

Amma yin, yin n se̱ yin Kabik Kazhe̱l'e nufe aYeso kaya ka ta sor be yin koakye izen. Kamok anong yin ba tse̱r yin aner akak a tana ka bo̱so̱p yin'e baꞌ. Kabik wu tà ka bo̱so̱p yin ike̱re̱'me ife katsak cei. Kukasa wu tin kasa yir nye katsak, ku nye kufe abo̱o̱s baꞌ. Kyo̱ndi a tá ka bo̱so̱p yin'e ye i ra sor yin kaye̱e̱r aYeso.