aYohana 6:37 - Izere New Testament

³⁷ Koangan afe Ada tin no̱o̱k, a tà be̱ nunaan. Aner aya afe a ta be̱ nunaan, mi tù ku ro baꞌ.

aYohana 6:37 Referans Kwoze

aMatiyu 11:28

“Be̱ yin nunaan, cice̱r yin áya i tan ro̱ro̱ng yin be acer yin, mi tà ka no̱o̱k yin kufan.

aYohana 6:39

Kushim aya afe a tin tom se ye, sang mi tu wei be azining kaye̱e̱r aya wu tá min no̱o̱k baꞌ, amma ye i ra ka dorok ba katuk igang'e.

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

aYohana 17:6

“Mi n sak ánerawe áfe wan tin no̱o̱k nazatse ma ka ren. Á nye áfuan, wan ne i tú sok ba i tin no̱o̱k. Ba ma kuus rife̱ wan.

aYohana 17:2

Kamok wan tú ku no̱o̱k rigwo̱m natoon ánerawe cei, nong a ta no̱o̱k aya wan tú ku no̱o̱k cice̱r, kutser kufe izen izen.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

2 aTimoti 2:19

Gip be anong, katsak rife̱ Adakunom'me ri ta nye itsik'e rusek kpa be izibir natoon'e ye, “Adakunom ren áya a ta nye áfu,” be, “Koangan aya a ta fe̱ ye wu nye afe Agwo̱m Ágwo̱m a ra won amaan kunye wu dim.”

1 aTimoti 1:16

Amma Adakunom ti tonong kuro̱ riye̱ dide̱ng kamok mi tsang i nar rine̱n, aYeso Kiristi tonong kutsesek wu dide̱ng natoon'i nong ku ta sor ike̱ng kumaas nufe áner aya a tanin no̱o̱k katsak ni wu ne á se̱ katser kafe izen izen.

aYohana 6:65

Iyong a ya kasho̱o̱n be rife̱ ye, “Iyu ne i sak mi tá ka tak yin ye, akak ta kyem a be̱ nunaan baꞌ, ma ke Ada'me tú se̱ mo.”

aRom 5:20

Ike̱ng i tá sak a ta nye Itsi se nong rine̱n tà wuruk kanang. Amma nizen iya ne rine̱n tin barang, ne ritek Adakunom nibarang dide̱ng,

Ike̱ng a ta tonong aYohana 22:17

Kabik be Abining Afas'e fe̱ ye, “Be̱!” Aner a ta fok rife̱ na ra fe̱ ye, “Be̱.” Aner a ta fok kuto̱ kukoor ne a tse̱r ashi kuso̱, a ra be̱ a ta so̱ ashi kutser warak.

1 aYohana 2:19

Ámudo̱n'e se kaye̱e̱r yir nizham a tá ra wuruk, ba kun se mak be yir nigaan'e baꞌ. Ke a fa nye ye ba nye afikuus be yir katsak'e, ke a sor mak be yir. Kukam ba be yir tonong ye ba nye afe yir baꞌ.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

aMatiyu 24:24

Kamok aKiristi áfe abo̱o̱s be áner kuzarap abo̱o̱s tà wuruk ne á nye itomong azhing be ike̱re̱ azhing nong á ta wo̱ro̱k ánerawe ma be áya a tan kasa, ke i ta kyem i se anong.

aFilipi 1:29

Kamok Adakunom sak ritek wu anong kamok yin tin no̱o̱k yin katsak na aKiristi tsek baꞌ, amma ta so̱ yin risam kamok wu gip,

aYohana 17:11

Mi saase nufuan, mi tà ba sor nazatse na baba baꞌ. Amma ba ruresek kaye̱e̱r kazatse na nizham. Ada Azhe̱l'e, ku fek ba be riyerek wan rife̱ kukyem, riyerek riya wan tin no̱o̱k, nong ba tà sor azining kyo̱ndi mi ta se be wan.

aYohana 9:34

Ba fe̱ be wu ye, “Wan afe a tá ka tes kaye̱e̱r rine̱n, ne wan bun i di ye wan tin bo̱so̱p yir a?” Ayong á tú ku tun.