aYohana 6:35 - Izere New Testament

³⁵ Ayong aYeso fe̱ be ba ye, “Mi ne i nye naya naya na ta nyesek kutser. Aner aya a ta be̱ nunaan, a ba tà fok izong baꞌ. Aya a ti no̱o̱k katsak natoon'i, a tà ba fok kuto̱ kukoor baꞌ.

aYohana 6:35 Referans Kwoze

Ike̱ng a ta tonong aYohana 22:17

Kabik be Abining Afas'e fe̱ ye, “Be̱!” Aner a ta fok rife̱ na ra fe̱ ye, “Be̱.” Aner a ta fok kuto̱ kukoor ne a tse̱r ashi kuso̱, a ra be̱ a ta so̱ ashi kutser warak.

aYohana 6:41

Iyong áner aYahuda san anyinye̱m natoon aYeso kamok wu tá fe̱ ye, “Mi ne i nye abiredi aya a tá ne naza.”

Ike̱ng a ta tonong aYohana 7:16

Á tà ba fok izong baꞌ, á tà fok kuto̱ kukoor baꞌ, á tà fok kuzhoosh kunom ka kuzhoosh ike̱ng ikak baꞌ.

aYohana 6:37

Koangan afe Ada tin no̱o̱k, a tà be̱ nunaan. Aner aya afe a ta be̱ nunaan, mi tù ku ro baꞌ.

aMatiyu 11:28

“Be̱ yin nunaan, cice̱r yin áya i tan ro̱ro̱ng yin be acer yin, mi tà ka no̱o̱k yin kufan.

aLuka 6:25

Awo̱ be yin áfe i ta whas yin kyo̱o̱rna, kamok izong tà ka ro̱ yin. Awo̱ be yin áfe i ta mas yin kyo̱o̱rna, kamok yin tà nye yin riye̱ riwe ne i tos yin.

aYohana 6:65

Iyong a ya kasho̱o̱n be rife̱ ye, “Iyu ne i sak mi tá ka tak yin ye, akak ta kyem a be̱ nunaan baꞌ, ma ke Ada'me tú se̱ mo.”

aYohana 5:40

Gip be anong, yin gaar yin kube̱ nunaan nong tà se̱ yin kutser.

aYohana 4:15

Abining ame fe̱ be wu ye, “Atekasa, ni no̱o̱k ashi na nong mi ta ba fok kuto̱ kukoor baꞌ, nong ta ba be̱ ma aze ni ito̱k ashi baꞌ.”