aYohana 6:29 - Izere New Testament

²⁹ Ne aYeso fe̱ be ba ye, “Ike̱ng ife Adakunom ta shim yin ta nye yin nye: Ni no̱o̱k yin katsak naya afe wu tá tom.”

aYohana 6:29 Referans Kwoze

1 aYohana 3:23

Ike̱ng Adakunom tá fe̱ ye i ra nye yir'e nye ye, i rin no̱o̱k yir katsak ni Igon wu aYeso Kiristi ne i naka shim yir kyo̱ndi aYeso tá fe̱ be yir.

Itomong Ámanzo 16:31

Ayong aBulus be aSila ame fe̱ be wu ye, “Ni no̱o̱k katsak na Agwo̱m Ágwo̱m yir aYeso, wan ta se̱ kashesh wan be áfekari wan peer.”

Ibrani 5:9

Nizen iya a tá ma shining gye̱r, ne a ma sor iren kutser kufe izen izen nufe koangan aya a ta kuus ike̱ng iya a ta fe̱.

aYohana 3:36

Koangan ne a tin no̱o̱k katsak ni Igon'e, a be kutser kufe izen izen. Amma afe a ta rawu Igon'e, a tà se̱ kutser'ong baꞌ, kamok riye̱ kubeseng Adakunom se rice wu.”

1 aYohana 5:1

Koangan afe a ta no̱o̱k katsak ye aYeso nye aKiristi, nye igon Adakunom. Koangan afe a ta shim Ada'me, a tà shim igon'e gip.

aMarkus 16:16

Aner aya ne a ti no̱o̱k katsak, a tu ku nye abatisma a ta se̱ kashesh. Amma aner aya ne a gaar ku ni no̱o̱k katsak, a tù ku to̱ amok.

aYohana 5:39

Yin yiir bo̱so̱p yin Afumung rife̱ Adakunom, kamok yin di yin ye yin tà se̱ yin kutser kufe izen izen kaye̱e̱r ba. Ba fe̱ rife̱ natoon'i.

aMatiyu 17:5

Kum ne a ru fe̱ kanu, kune̱n kukak ku ta se kanang be̱ ku tú kis ba ne kuto̱ kukak wuruk naza ye, “Ayu ne a nye Igon'i kaya mi ta shim. Mi fok kasas wu dide̱ng. Ku fok yin kuto.”

aYohana 6:28

Ayong ánerawe rip aYeso ye, “Akye̱ ne yir tà nye yir nong ta shining yir ike̱ng iya Adakunom ta shim e̱?”

aYohana 6:38

Kamok mi ne naza i tá tiik kaben nong ta nye ike̱ng riye̱ mi ta shim baꞌ, amma nong ta nye ike̱ng ife aya a tin tom.

aYohana 6:57

Kyo̱ndi Ada afe kutser tin tom ne mi sor be kutser kamok Ada'me, anong ne aner aya afe a tin sok i ta te naya wu tà sor be kutser kamok'i.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

aYakub 2:22

yin di yin kuno̱o̱k katsak wu, be itomong wu, ta tseng mak, ne kuno̱o̱k katsak wu shining be ikeng iya wu ta nye.

Ike̱ng a ta tonong aYohana 2:26

Aner aya a ta canang kazatse ne a nye ike̱ng iya mi ta shim ma nigang'e, mi tù ku no̱o̱k kukyem a tà nye rigwo̱m natoon kazatse cei kyo̱ndi mi ta shan kukyem'i nufe Ada mi. Kyo̱ndi a ta fe̱ ye, ‘A tin nye rigwo̱m natoon ba be ishe̱n kutso̱m, a tà ka fo ba kyo̱ndi a ta fo kadonong iben.’ Mi tu ku no̱o̱k adar kusetson.