aYohana 6:27 - Izere New Testament

²⁷ Sang tu so̱ yin risam ni itomong naya nafe na tana beseng baꞌ, amma nye yin itomong natoon naya nafe na tana no̱o̱k kutser kufe izen izen. Iyuna ne i nye kuri naya Igon Anerawe tana ka no̱o̱k yin. Kamok Ada yir Adakunom min te izizo̱ wu ni wu.”

aYohana 6:27 Referans Kwoze

aKolosi 3:2

Ni te yin riye̱ natoon ike̱re̱ iya i ta se kaye̱e̱r kaza sang ife kazatse baꞌ.

aYohana 6:54

Koangan afe a ta ya rinam kuro̱m'i ne a so̱ naso̱k'i, a be kutser kufe izen izen, mi tù ku dorok be kutser katuk igang'e.

2 aTimoti 2:19

Gip be anong, katsak rife̱ Adakunom'me ri ta nye itsik'e rusek kpa be izibir natoon'e ye, “Adakunom ren áya a ta nye áfu,” be, “Koangan aya a ta fe̱ ye wu nye afe Agwo̱m Ágwo̱m a ra won amaan kunye wu dim.”

aYohana 6:40

Kamok kushim Ada mi nye ye, koangan afe a tin sak anyisi na Igon'e ne a ni no̱o̱k katsak, a tà se̱ kutser kufe izen izen, ne mi ku dorok katuk igang'e.”

aRom 6:23

Kamok ishorong rine̱n nye riku, amma kunang Adakunom nye kutser kufe izen izen kaye̱e̱r aYeso Kiristi Agwo̱m Ágwo̱m yir.

aYohana 10:28

Mi tu no̱o̱k ba kutser kufe izen izen, ba tà kus baꞌ sam. Aner akak tà kyem a tin shan nubo̱k'i baꞌ.

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

Itomong Ámanzo 10:38

Adakunom shining aYeso a ta nye afu Nazaret be Kabik Kazhe̱l'e ne kukyem. aYeso tsang a tseng koake̱ ne a tsang a nye ritek ne a tsang a sak áner aya a tá se nubo̱k Ishetan te atser kamok Adakunom se ma be wu.

aYohana 17:2

Kamok wan tú ku no̱o̱k rigwo̱m natoon ánerawe cei, nong a ta no̱o̱k aya wan tú ku no̱o̱k cice̱r, kutser kufe izen izen.

aMatiyu 6:19

“Sang tu tusung yin kurum yin kaye̱e̱r kazatse, naro̱ íwhe̱e̱s be ítse̱ tana beseng'e baꞌ ka naro̱ kaya ákpatang tana fo nong a tà kok baꞌ.

aYohana 6:58

Ayu ne a nye naya na tá ne naza. Átukop yir agbugbang'e ya naya a ta yis ye amanna amma a kus cice̱r ba. Aner aya ne a ya naya na, a tà sor ma izen izen.”

2 aBitrus 1:17

Kamok wu se̱ kuyiik be nakerek nufe Adakunom a ta nye Ada nizen iya yir ta fok agbang ayiik kuto̱ Ada Adakunom ye, “Ayu na ne a nye Igon'i, kafe mi ta shim, mi ta fok kusas wu makiyi.”

aFilipi 2:13

Kamok Adakunom be rice wu ne a nye itomong kaye̱e̱r aye̱ yin, kuus yin ike̱ng iya i ta nye kuto̱ro̱ng wu kutek, ne i ni nye yin itomong.

1 aBitrus 1:24

Kyo̱ndi a ta zibir ye, “Ánerawe cice̱r se kyo̱ndi agam ne kusas ba cice̱r se kyo̱ndi afure katse. Agam koor ne afure suruk kaben,

aLuka 3:22

ne Kabik Kazhe̱l'e kyo̱ndi abo̱p ni tiik ni wu. Ne kuto̱ ne naza ye, “Wan ne i nye Igon'i kaya mi ta shim. Mi fok kusas wan dide̱ng.”

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

aKolosi 1:29

Kamok anong ne mi nye itomong ma i ti te iso̱r be kuri agap aya aKiristi tin no̱o̱k, aya a ta nye itomong dide̱ng kaye̱e̱r'i.

aYohana 3:33

Amma aner aya a ta shan rife̱ wu tonong ye Adakunom nye katsak.

Itomong Ámanzo 2:22

“Áner Isarela fok yin rife̱ na, aYeso a tá nye afu Nazaret nye aner aya Adakunom tá ka tom yin'e. Adakunom nye itomong azhing be ife kukyem kaye̱e̱r wu nasho̱o̱n yin, yin ren yin anong be rice yin.

aYohana 6:68

aSiman Bitrus fe̱ ye, “Atekasa, yir ta tseng yir nufe angan e̱? Wan ne i ta be Rife̱ Kutser.

aLuka 9:35

Ne kuto̱ kukak wuruk kaye̱e̱r kune̱n'e ye, “Ayu ne a nye igon'i, mi tan kasa. Ku fok yin kuto.”

Ibrani 12:16

Sang tu won yin akak tu kuus ányining kpe̱de̱ng ka a tu se dar inyim Adakunom kyo̱ndi Isuwa tá sok risho̱n wu a tá re̱p acek wu'me kamok naya kakereng kazining baꞌ.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

Ibrani 4:11

Won i tu nye yir koakye ike̱ng i tana kyem i nye yir nong ta no̱ yir kaye̱e̱r kufan'ong, fan akak bu kuus kuse ba, a tà kpa, á ta won dar á fok kuto.

aKolosi 2:22

Itsi kuri iyuna fe̱ natoon ike̱re̱ iya i tana gang cei, kamok i nye itsi be kubo̱so̱p ánerawe.

1 aKoranti 9:2

Ko mi fa nye amanzo nufe ákak baꞌ, katsak'e mi nye amanzo nufe yin. Kamok yin sor yin ike̱ng iya i tana tonong ye mi nye amanzo nasho̱o̱n Agwo̱m Ágwo̱m.

1 aKoranti 6:13

Ákak fe̱ ye, “A nye kafa kamok naya, naya kamok kafa,” ikak ta ra sor ma izen izen baꞌ. Adakunom tu ku whe̱se̱ng ba cice̱r. A nye kuro̱m kamok rikuna baꞌ, amma nong a tin tiyiik Adakunom, ne Adakunom ni sak riye̱ nuro̱m'e.

aRom 4:11

Amma a tú ku nye izhak'e nong i tà sor ike̱ng iya i tana tonong ye wu se gye̱r nasho̱o̱n Adakunom. A te gye̱r nasho̱o̱n Adakunom kamok kuno̱o̱k katsak wu nizham a tá ra ku nye izhak. Kamok anong Ibrahim te Ada koangan afe a tin no̱o̱k katsak na Adakunom, amma a ta ma ku nye izhak'e baꞌ, nong ase̱ Adakunom ta sak ba ta te gye̱r nasho̱o̱n wu gip.

aYohana 15:24

Mi nye ike̱ng dide̱ng iya ánerawe tá baꞌ, kaye̱e̱r ba. Ke a fa fe̱ ye mi nye ba', ke a di rine̱n ba baꞌ. Amma kyo̱o̱rna ba n di itomong azhing iya mi tá nye, gip be anong, ba ti ramin ne á raba Ada mi.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

aYohana 11:42

Mi ren ko gbugbang gip wan ti fok, amma mi fe̱ anong, nong ánerawe na aze, tin no̱o̱k katsak ye wan ne i ti tom.”

aYohana 8:18

Mi fe̱ natoon rice mi, Ada mi aya a tin tom nye afe afa mi.”

aMarkus 9:7

Iyong kune̱n kukak wuruk ku tú ku kis ba ne á fok kuto̱ kukak kaye̱e̱r kune̱n'e ye, “Ayu ne a nye igon'i kaya mi ta shim. Ku fok yin kuto.”

aMarkus 1:11

Ne kuto̱ ne naza ye, “Wan ne i nye Igon'i kaya mi ta shim. Mi fok kusas wan dide̱ng.”

aMatiyu 17:5

Kum ne a ru fe̱ kanu, kune̱n kukak ku ta se kanang be̱ ku tú kis ba ne kuto̱ kukak wuruk naza ye, “Ayu ne a nye Igon'i kaya mi ta shim. Mi fok kasas wu dide̱ng. Ku fok yin kuto.”

aMatiyu 3:17

Ne kuto̱ kukak wuruk naza ye, “Wan ne inye Igon'i kaya mi ta shim. Mi fok kusas wu dide̱ng.”

aYakub 1:11

Kunom tar ne ku joosh ne ku sak naya koor, ne ato'me kpas ne kusas'e gang. Anong ne arum ta kpa nizen ife a ta tsang a tseng ne a tse̱r kutser wu.

2 aKoranti 4:18

Kamok sang ike̱re̱ áfe anyisi ta di ne yir ye̱re̱k yir baꞌ, amma ike̱re̱ iya sang a ta di be anyisi baꞌ. Ike̱re̱ iya a ta di be anyisi sor nizen cie̱k tsek, amma ike̱re̱ iya a ta di be anyisi baꞌ, sor ma izen izen.

aMatiyu 8:20

aYeso fe̱ be wu ye, “Áromong be ibong á tin no̱o̱s ne nanon be are̱, amma Igon Anerawe be karo̱ a tanin sak rice wu baꞌ.”

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aYohana 3:15

Nong koangan afe a tin no̱o̱k katsak ni wu tà se̱ kutser kufe izen izen.

aYohana 6:47

Katsak'e ne mi ta ka tak yin, aner aya a tin no̱o̱k katsak ni mi, a be kutser kufe izen izen.

aYohana 6:53

Ayong aYeso fe̱ be ba ye, “Katsak'e ne mi ta ka tak yin, ma ke yin ya yin rinam kuro̱m Igon Anerawe ne i so̱ yin naso̱k wu ke anong baꞌ, yin be yin kutser kaye̱e̱r yin baꞌ.

aYohana 6:62

To̱, ke yin di yin Igon Anerawe sen kubun naro̱ wu tú ku ne ane̱ e̱?