aYohana 6:26 - Izere New Testament

²⁶ aYeso fe̱ be ba ye, “Katsak'e, mi ta ka tak yin, yin tsang ni itse̱r yin, kamok yin tá ya yin abiredi ame i tá whas yin amma sang kamok yin tá di yin itomong azhing iya mi tá nye baꞌ.

aYohana 6:26 Referans Kwoze

aFilipi 3:19

Igang ba nye á tà wei, adakunom ba nye nafa ba. Á ni tsor kafok ni itomong isum ba. Aye̱ ba se natoon ike̱re̱ kazatse tsek.

aFilipi 2:21

Kamok mi di koangan aze daam be ike̱re̱ riye̱ wu tsek sang ife aYeso Kiristi baꞌ.

1 aTimoti 6:5

ne á ya nanan be áya a ta be akpe̱de̱ng kuto̱ro̱ng ne katsak kam be ba. Ba di ye kusor kuri kuya Adakunom ta shim nye iren ikak ife ba tana se̱ itso̱m.

aRom 16:18

Kamok sang áner kuri ayong nye Agwo̱m Ágwo̱m yir aKiristi itomong baꞌ. Á nye nafa ba'me tsek. Á ren kanu ne á fe̱ re̱m re̱m ne á ti wo̱ro̱k ánerawe aya sang a ta ren ike̱ng ikak natoon'e baꞌ.

aYohana 6:2

Ne ánerawe whe̱re̱ tú ku kuus kamok ba di ike̱re̱ azhing iya a tá nye natoon áfe iro̱k.

aYohana 6:24

Nizen rigwo̱m ánerawe'me tá ren ye, aYeso ka álimazhiri wu tú se azong baꞌ, yong á no̱ kaye̱e̱r akpara ashi ame nong á ta be na aKapanum ni itse̱r aYeso.

aYohana 3:5

aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.

aYohana 3:3

Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

aYohana 6:64

Gip be anong, ákak yin kuse áfe sang á tin no̱o̱k katsak baꞌ.” Kum ni ime̱se̱ng'e aYeso tsang a ren áya a tin no̱o̱k katsak baꞌ, be aya a tana ku re̱p.

aYohana 6:53

Ayong aYeso fe̱ be ba ye, “Katsak'e ne mi ta ka tak yin, ma ke yin ya yin rinam kuro̱m Igon Anerawe ne i so̱ yin naso̱k wu ke anong baꞌ, yin be yin kutser kaye̱e̱r yin baꞌ.

aYohana 6:47

Katsak'e ne mi ta ka tak yin, aner aya a tin no̱o̱k katsak ni mi, a be kutser kufe izen izen.

aYohana 6:30

Iyong ánerawe'me tú rip ye, “Akye̱ kuri ike̱ng azhing ne wan ta nye nong yir ta di yir nong tin no̱o̱k yir katsak ni wan e̱? Akye̱ ne wan tà nye e̱?

aYohana 6:15

aYeso tá ren ye ba se be kanye̱k nong a tù ku sak a tà te agwo̱m be agap, ayong a bun a tú bun natoon kawhanang wu ze̱r.

aYohana 6:14

Ánerawe tá di itomong azhing iya aYeso tá nye ayong á rife̱ ye, “Katsak'e, ayu ne a nye Aner Kuzarap aya a ta se ye a ta be̱ kaye̱e̱r kazatse.”

aYohana 6:36

Kyo̱ndi mi tá ka tak yin, yin min di yin, gip be anong yin ti no̱o̱k yin katsak baꞌ.