aYohana 6:24 - Izere New Testament

²⁴ Nizen rigwo̱m ánerawe'me tá ren ye, aYeso ka álimazhiri wu tú se azong baꞌ, yong á no̱ kaye̱e̱r akpara ashi ame nong á ta be na aKapanum ni itse̱r aYeso.

aYohana 6:24 Referans Kwoze

aYohana 6:17

Á ta no̱ nukpara ashi nong á tá tar kudung'e á tá be na aKapanum. Nizen iyong katuk tsang ka nye. aYeso tsang a be̱ nufu ba nizham baꞌ.

aMarkus 1:37

Á tá fa ku se̱ ne á fe̱ be wu ye, “Koangan sen tsang a ka tse̱r.”

aYohana 20:15

Ayong aYeso tú ku rip ye, “Anyiningkasa, akye̱ sak wan sen tos e̱? Wan tse̱r angan e̱?” Wu sor ye a nye aner a tin sak riye̱ riko̱'me, ayong ne isak a fe̱ ye, “Atekasa, ke wan ne i tú ku sok ne ni tak karo̱ kaya wan tú ku sak nong mi tá su ku sok.”

aYohana 7:11

Áner aYahuda ame yiir tse̱r aYeso naro̱ riye̱ rikan'e. Ne á risim ye, “Aner ame se akye̱ e̱?”

aYohana 6:59

aYeso fe̱ rife̱ na nizen a tá se be kubo̱so̱p ánerawe'me nutu aduwa na aKapanum.

aYohana 6:23

Ne akpara ákak a ta nye azhizhe̱k'e a tá ne na aTibariya be̱ azong bubarak be karo̱ kaya ánerawe tú ku ya abiredi aya aYeso tin nye aduwa natoon ame.

aLuka 8:40

Nizen aYeso tá bun a tú bun nunyi wu tú ku ne ame, rigwo̱m ánerawe á tá sen ku tor tú shan niren.

aMarkus 6:53

aYeso be álimazhiri wu tá fa tar agbang kudung'e, á tiik ba niben aGenesaret, a rusom kukpara ashi ba ame azong.

aMatiyu 14:34

Nizen á ta tar á be niben aGenesaret.

aYohana 6:26

aYeso fe̱ be ba ye, “Katsak'e, mi ta ka tak yin, yin tsang ni itse̱r yin, kamok yin tá ya yin abiredi ame i tá whas yin amma sang kamok yin tá di yin itomong azhing iya mi tá nye baꞌ.