aYohana 6:11 - Izere New Testament

¹¹ Ayong aYeso sok abiredi'me nong a tá nye aduwa, a tonong riye̱ rikan wu, ne a kasap ánerawe á tá sosok kyo̱ndi ba tá shim. A nye anong be izos'e gip.

aYohana 6:11 Referans Kwoze

aYohana 6:23

Ne akpara ákak a ta nye azhizhe̱k'e a tá ne na aTibariya be̱ azong bubarak be karo̱ kaya ánerawe tú ku ya abiredi aya aYeso tin nye aduwa natoon ame.

1 aTasalonika 5:18

Koakye kuri ike̱ng ne i ta se̱ yin, tonong yin riye̱ rikan be Adakunom kamok iyong ne i nye kushim wu be yin áya a ta se kaye̱e̱r aYeso Kiristi.

aRom 14:6

Koangan afe a ta sok kunom kukak yiik ye ku nar ribir'e nye anong nong a tin tiyiik Agwo̱m Ágwo̱m wu. Koangan afe a ta ya koakye kuri rinam nye anong nong a tin tiyiik Agwo̱m Ágwo̱m wu. Kamok nong a tin tonong riye̱ rikan be Adakunom be rinam'e. Aner aya a ta ya koakye kuri rinam baꞌ, nye anong gip nong a tin tiyiik Agwo̱m Ágwo̱m wu kamok nong a tin tonong riye̱ rikan wu be Adakunom.

aMatiyu 15:36

Ne a sok ágbang abiredi kanataar ame be ízos'e a tin tonong riye̱ rikan wu be Adakunom, ne a te̱se̱ng a tá no̱o̱k álimazhiri wu nong á ta se nyesek ánerawe'me.

aLuka 24:30

Nizen aYeso tá se be iya naya mak be ba, a sok abiredi, a tá tonong Adakunom riye̱ rikan, ne a te̱se̱ng ne a san ku nyesek ba.

1 aKoranti 10:31

Kamok anong koakye ne yin ta sen nye yin'e, kaye̱e̱r kuya ka kuso̱ yin ayi, nye yin koakye kamok ku tiyiik Adakunom.

Itomong Ámanzo 27:35

aBulus'e ta fa fe̱ anong ne a sok abiredi a ta tonong riye̱ rikan'e be Adakunom nasho̱o̱n ba cice̱r. Ne a te̱se̱ng, a tá kpaan kuya'me.

aYohana 6:9

“Di, igon kakak na be naban agba abiredi natoon, a tá nye be ikpe abale ne naban izos ifa, amma iyu tà san ane̱ nong i ta kyem ánerawe'me e̱?”

aYohana 21:9

Nizen iya ba tá fa be̱ nukim kudung'e ne á di atse̱n kuro̱ng azong be izos natoon'e be abiredi.

aYohana 21:10

Ayong aYeso fe̱ be ba ye, “Be̱e̱n yin izos ikak yin tá yising yin kyo̱o̱rna.”

aYohana 21:13

Ayong aYeso tseng a ta se sok abiredi'me a tú ku no̱o̱k baꞌ, ne a bun a ku no̱o̱k ba izos'e gip.