aYohana 5:44 - Izere New Testament

⁴⁴ Ane̱ ne yin tà no̱o̱k yin katsak'e, yin ta tse̱r yin nakerek nufe ánerawe, amma sang i tse̱r yin nakerek nufe Adakunom wu ze̱e̱r baꞌ e̱?

aYohana 5:44 Referans Kwoze

aYohana 12:43

kamok ba shim nakerek nufe ánerawe ne á nar nufe Adakunom.

aRom 2:29

Aner aYahuda afe katsak ne a nye aya a ta nye áner aYahuda kaye̱e̱r riye̱ wu, izhak ife katsak nye izhak ife Kabik ta nye kaye̱e̱r riye̱, sang ife Itsi aMusa baꞌ. Adakunom ne a kerek aner kuri ayong sang anerawe baꞌ.

aFilipi 2:3

Sang tu nye yin ike̱ng ikak be kushim rice baꞌ, ka be kuka baꞌ, amma be yin kumees rice ne i sok yin áfudang yin kyo̱ndi á ta nar yin.

aMatiyu 23:5

“Ike̱re̱ ba ta nye se nong ánerawe ta di tsek; Á tos alau be rife̱ Adakunom nong á tá rosom na nati ba, ne akpiin ba ras aso̱p ma kaben.

1 aBitrus 1:7

Ike̱re̱ iya i ta ka se̱s yin'ong se nong a ta ren kuri kuno̱o̱k katsak kuya yin ta be yin. Izinariya gip i tana beseng, a bo̱mo̱ng be kuro̱ng nong a ta di ka i nye itek e̱. Anong ne a ta bo̱mo̱ng kuno̱o̱k katsak yin gip, kuya ku ta nar izinariya yiik. Be anong ne ku tà ka be̱e̱n yin nakerek be kuyiik katuk kaya a tana tonong aYeso Kiristi.

1 aKoranti 4:5

Kamok anong tu te̱n yin akak amok kum ne izen'e ruresek baꞌ. Won yin ma Agwo̱m Ágwo̱m yir aYeso be̱. Wu ne a tà be̱ te̱s ike̱re̱ i ta se nawhi ne a tonong ike̱re̱ i ta se kaye̱e̱r aye̱ ánerawe. Nizen iyong ne koangan tà shan nakerek wu nufe Adakunom.

aRom 2:10

Amma koangan afe a tá nye ike̱re̱ itek, Adakunom tù ku no̱o̱k kuyiik be nakerek ne kameneng riye̱. A tà san'e be áner aYahuda ne áya sang á ta nye áner aYahuda baꞌ nikuus.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aLuka 19:17

“Ayong atekasa wu'me fe̱ be wu ye, ‘Dazha asam'i atek, wan tonong katsak natoon ike̱ng ihiir'e, ninye rigwo̱m natoon agbang iwo̱p kuso̱k.’

aYakub 2:1

Aroneng'i kyo̱ndi afe kuno̱o̱k katsak na aYeso Kiristi Agwo̱m Agwo̱m yir, afe kuyiik, tu tonong yin kushim rice baꞌ.

Ibrani 3:12

Ároneng, sak yin riye̱ fan akak yin bu nye amaan kuto̱ro̱ng ne a won dar a ni no̱o̱k katsak, nong a ta won kukuus Adakunom afe kutser.

2 aKoranti 10:18

Kamok sang aner a ta kerek rice wu ne a tu kerek baꞌ, ma ke aner aya Agwo̱m Ágwo̱m ne a tu ku kerek.

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

aYohana 8:43

Akye̱ sak yin ren yin ike̱ng iya mi tin fe̱ baꞌ e̱? Kamok yin kyem i fok yin rife̱ mi baꞌ.

aYohana 3:20

Koangan afe a ta nye imaan'e, a rawu akanang'e. A ta shim kube̱ na akanang'e baꞌ, fan kunye wu bu wuruk de̱s.

aYohana 5:41

“Mi tse̱r nakerek nufe ánerawe baꞌ.

1 aTasalonika 2:6

Sang yir tse̱r yir nakerek nufe ákak ka nufe yin ka nufe ánerawe baꞌ. Yir ta nye yir ámanzo, yir shim tá ka sor yin acer baꞌ.

1 aTimoti 1:17

Won kuyiik ne nakerek tu sor nafu ma izen izen, wu aya a tana sor Agwo̱m ma izen izen, a ta be igak baꞌ, aya sang a ta kyem a ku di baꞌ. Wu ne a ta nye Adakunom wu ze̱r tsek. Anong.

aZhud 1:25

Kuyiik nye kufu wu ze̱r, wu aya a ta nye Adakunom Aner Kashesh yir kaye̱e̱r aYeso Kiristi Agwo̱m Ágwo̱m yir. Kuyiik be kukyem ne rigwo̱m be agap nye kufu kum ni ime̱se̱ng'e, be kyo̱o̱rna, be ma izen izen! Anong.