aYohana 5:39 - Izere New Testament

³⁹ Yin yiir bo̱so̱p yin Afumung rife̱ Adakunom, kamok yin di yin ye yin tà se̱ yin kutser kufe izen izen kaye̱e̱r ba. Ba fe̱ rife̱ natoon'i.

aYohana 5:39 Referans Kwoze

aLuka 24:27

A san i ku taas ba ike̱re̱ i ta se kaye̱e̱r Afumung rife̱ Adakunom cei natoon rice wu, kum nizen aMusa ma nizen áfe kuzarap'e cei.

aLuka 24:44

Ne a fe̱ be ba ye, “Ike̱ng mi ta ka tak yin'ong, kum ne mi rusek be yin, ye ma a shining koakye i ta se ni izibir natoon'i kaye̱e̱r Itsi aMusa tá zibir be afumung áner kuzarap Adakunom ne aZabura.”

Itomong Ámanzo 17:11

To̱, áner aYahuda á tá se na aBiriya be kuse kutek ne á nar aya a tá se na aTasalonika, kamok á shan Rife̱ Ritek'e be ifeng dide̱ng. Á ti sak riye̱ á tá fa kufumung rife̱ ye̱r ye̱r ne á maas á tá di ka ike̱ng iya aBulus tá fe̱ nye katsak'e.

aMatiyu 22:29

aYeso fe̱ be ba ye, “Kuto̱ro̱ng yin se gye̱r baꞌ, kamok yin ren yin rife̱ Adakunom ka kukyem wu baꞌ.

Itomong Ámanzo 13:27

Áner aUshalima be ágwo̱m ba cice̱r ren ye aYeso ne a nye aner kashesh ba. Gip be anong, nizen iya a tú ku fe̱r, á shining rife̱ aner kuzarap riya a ta fa koakye Asabar.

aYohana 5:46

Ke a fa nye ye yin tin no̱o̱k yin katsak na aMusa ke yin tin no̱o̱k yin katsak ni mi, kamok wu zibir natoon'i.

aRom 3:2

Ei katsak'e, á nar ribir'e nike̱re̱ dide̱ng. Ni ime̱se̱ng'e Adakunom tú no̱o̱k ba rife̱ wu.

aMarkus 12:10

Aser, yin kun fa yin afumung na a? Kamok i se kaye̱e̱r izibir ye; “ ‘Kuta kuya áfe rino̱k tá raba, ne kute itsik ribor kutu.

Ike̱ng a ta tonong aYohana 19:10

A tá fa fe̱ anong ne mi kpa kaben nong i tú ku ya iben. Ayong a fe̱ be mi ye, “Sang tu nye anong baꞌ, mi gip mi nye asam afudang wan, wan be ribir áfudang wan, áya a tá yiir rife̱ aYeso. Adakunom ne wan tu ku ya iben tsek, kamok Rife̱ Ritek aYeso tá taas ne ri no̱o̱k kukyem kunye kuzarap.”

aRom 1:2

Rife̱ Ritek'e nye rife̱ Adakunom tá tsang a no̱o̱k kuto̱ be áner kuzarap kyo̱ndi á tá zibir kaye̱e̱r Afumung Azhe̱l'e.

Itomong Ámanzo 26:27

Adagwo̱m, wan ti no̱o̱k katsak na áner kuzarap aꞌa? Mi ren wan ti no̱o̱k katsak.”

aYohana 7:52

Ayong á fe̱ be wu ye, “Wan nye aner aGalili'me gip a? Fa rife̱ Adakunom ta di, aner kuzarap kun wuruk na aGalili baꞌ.”

aYohana 5:32

Amma akak kuse a ta fe̱ rife̱ natoon'i, mi ren ike̱ng ife wu ta sen fe̱'me natoon'i nye katsak.

aYohana 5:36

“Mi be ayiik rife̱ natoon'i rife̱ i ta nar rife̱ aYohana, kamok itomong iya Ada tin no̱o̱k ye i ra gang, iyong ne mi sen nye'me ne i fe̱ ye, Ada ti tom.

aLuka 16:31

“Ne Ibrahim fe̱ be wu ye, ‘Ke á kuus Itsi aMusa ne á fok rife̱ áner kuzarap Adakunom baꞌ, ko a fa fe̱ ye akak fa dorok kaye̱e̱r áfe a ta n kus gip, á tin no̱o̱k katsak baꞌ.’ ”

Ibrani 11:16

Á tsang á ni te riye̱ ba natoon kaben katek, kafe kaza. Kamok anong, Adakunom fok isum a tú ku yis ye Adakunom ba baꞌ, kamok a ma ka no̱k ba kuwo̱p.

aKolosi 3:16

Won rife̱ aKiristi tu nyeseng be agap dide̱ng kaye̱e̱r aye̱ yin, ne i naka bo̱so̱p yin'e, ne i naka nyesek yin ibo̱ro̱ng, be koakye kuri kukyem, ne i bom yin abom aZabura, ne i kerek yin Adakunom, ne i bom yin abom afe a ta nye afe Kabik, ne i nye yin riye̱ rikan kaye̱e̱r aye̱ yin be Adakunom.

aLuka 16:29

“Iyong Ibrahim fe̱ be wu ye, ‘Ba be áfumung Itsi aMusa be áfe áner kuzarap Adakunom. Á ra foos ike̱ng iya ba tá fe̱.’

aYohana 1:45

Iyong aFilibus se̱ aNataniyel ne a fe̱ be wu ye, “Yir n se̱ yir aner aya aMusa tá zibir itak wu ne áner kuzarap bun zibir natoon wu, aner nye aYeso afu Nazaret, igon aYusufu.”

Ibrani 11:35

Kuno̱o̱k katsak sak ányining ákak bun a se̱ áner ba á tan kus be kutser. Ákak so̱ risam makiyi, á shim nong á ta ka won ba baꞌ nong ase̱ á tà ka dorok ba be kutser ku tà nar kutek.

aLuka 24:25

Ne aYeso fe̱ be ba ye, “Yin áfunam ákak, akye̱ kuri aye̱ ne yin be yin i ta won dar i ni no̱o̱k yin katsak nike̱re̱ áner kuzarap Adakunom tá fe̱ e̱?

aYohana 5:40

Gip be anong, yin gaar yin kube̱ nunaan nong tà se̱ yin kutser.

aMarkus 10:3

Ayong aYeso fe̱ be ba ye; “Akye̱ ne aMusa fe̱ be yin e̱?”