aYohana 5:36 - Izere New Testament

³⁶ “Mi be ayiik rife̱ natoon'i rife̱ i ta nar rife̱ aYohana, kamok itomong iya Ada tin no̱o̱k ye i ra gang, iyong ne mi sen nye'me ne i fe̱ ye, Ada ti tom.

aYohana 5:36 Referans Kwoze

aYohana 10:25

aYeso fe̱ be ba ye, “Mi kun ka tak yin, amma yin ti no̱o̱k yin katsak baꞌ. Itomong azhing iya mi tá nye, mi nye kaye̱e̱r riyerek Ada mi, tonong kuri aner aya afe mi ta nye.

aYohana 15:24

Mi nye ike̱ng dide̱ng iya ánerawe tá baꞌ, kaye̱e̱r ba. Ke a fa fe̱ ye mi nye ba', ke a di rine̱n ba baꞌ. Amma kyo̱o̱rna ba n di itomong azhing iya mi tá nye, gip be anong, ba ti ramin ne á raba Ada mi.

aYohana 2:23

Nizen aYeso tá rusek na aUshalima, nizen aPasova, ánerawe whe̱re̱ di itomong azhing wu tá nye ne á ni no̱o̱k katsak ni wu.

1 aYohana 5:9

Ke anerawe ti tak yir ike̱ng, yir ti no̱o̱k yir katsak. Amma ike̱ng Adakunom tá fe̱ nar ife ánerawe yiik kamok wu nye Adakunom. Kamok anong, ike̱ng wu tá fe̱ natoon Igon wu nye katsak.

aYohana 3:2

A tseng nufe aYeso natuk a tá fe̱ be wu ye, “Aner Kubo̱so̱p, yir ren yir ye wan nye aner kubo̱so̱p i ta ne nufe Adakunom. Kamok akak ta kyem a nye itomong azhing afe wan tá nye baꞌ, sang ke Adakunom se mak be wu baꞌ.”

aYohana 3:17

Kamok sang Adakunom tom Igon wu kaye̱e̱r kazatse nong a tà be̱ a to̱ kazatse amok baꞌ, amma nong kazatse tin se̱ kashesh ni wu.

aMatiyu 11:4

aYeso fe̱ be ba ye, “Kubun yin ta se tak yin aYohana ame ike̱ng iya yin tá di yin ne i foos yin:

Itomong Ámanzo 2:22

“Áner Isarela fok yin rife̱ na, aYeso a tá nye afu Nazaret nye aner aya Adakunom tá ka tom yin'e. Adakunom nye itomong azhing be ife kukyem kaye̱e̱r wu nasho̱o̱n yin, yin ren yin anong be rice yin.

aYohana 5:32

Amma akak kuse a ta fe̱ rife̱ natoon'i, mi ren ike̱ng ife wu ta sen fe̱'me natoon'i nye katsak.

aYohana 4:34

Ne aYeso fe̱ be ba ye, “Naya mi nye tu nye ike̱ng wu aya a tin tom ta shim ne i gang itomong wu.

aYohana 17:4

Mi tá be̱e̱n kuyiik kaye̱e̱r kazatse be itomong iya wan tin no̱o̱k i tá nye cei.

aYohana 11:37

Amma ákak ba fe̱ ye, “A karak akpato̱o̱n anyisi, ne a ra won dar a te̱ne̱ng aner na riku a?”

aLuka 2:49

Ayong a tú ku rip ba ye, “Akye̱ sak yin tsang i ni tse̱r yin e̱? Yin ren yin ye gye̱r ke mi se nasa Ada mi aꞌa?”