aYohana 5:34 - Izere New Testament

³⁴ Sang i se ye mi shim anerawe ta fe̱ natoon'i baꞌ. Amma mi fe̱ anong, nong yin tà se̱ yin kashesh.

aYohana 5:34 Referans Kwoze

1 aYohana 5:9

Ke anerawe ti tak yir ike̱ng, yir ti no̱o̱k yir katsak. Amma ike̱ng Adakunom tá fe̱ nar ife ánerawe yiik kamok wu nye Adakunom. Kamok anong, ike̱ng wu tá fe̱ natoon Igon wu nye katsak.

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

1 aTimoti 4:16

Sak riye̱ be kutseng wan ne i sak riye̱ be ike̱ng iya wan tá bo̱so̱p. Na ka tsesek ta nye ike̱re̱'ong kamok ke wan ti nye itomong be ike̱re̱'me, wan ta shesh rice wan be áfe a ta ka foos.

1 aKoranti 9:22

Nizen iya mi ta se be áner aya a ta be agap nabik baꞌ, mi sok rice mi kyo̱ndi aner a ta be agap nabik baꞌ, nong ase̱ ta ko̱ro̱k aye̱ ba. Mi kirik kuse nasho̱o̱n iriri ánerawe nong ase̱ ta nye koakye mi tana kyem i nye nong ta shesh ákak ba.

aRom 10:1

Ároneng, aduwa mi be kanak'i se ye ke áner Isarela se̱ kashesh.

aRom 3:3

Amma, ke ákak ba ti no̱o̱k katsak baꞌ, ne̱? Ku won dar kuno̱o̱k katsak ba tà sak katsak Adakunom ta te kpe̱de̱ng a?

aYohana 8:54

aYeso tú shim ba'me ye, “Ke mi tiyiik rice mi, kuyiik'e sor ike̱ng ikak baꞌ. Ada mi aya yin ta di yin ye a nye Adakunom yin, ne a nye aner a tin tiyiik.

aYohana 5:41

“Mi tse̱r nakerek nufe ánerawe baꞌ.

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

aRom 12:21

To̱, tu won yin anyas ta ya agap yin baꞌ, ya yin agap anyas be kunye kutek ingya.

aRom 10:21

Amma natoon Isarela, Adakunom fe̱ ye, “Kuwoso cice̱r mi nabak ibo̱k'i natoon áner aya a tá gaar rife̱ mi, ne á shonong.”

aLuka 19:10

Kamok Igon Anerawe be̱ nong a tà tse̱r ne a shesh ike̱ng i tan wei.”

aLuka 13:34

“Kaꞌ, yin áner aUshalima, yin áner aUshalima, yin áfe i tá fe̱s yin áner kuzarap ne i barak yin áya a ta ka toos ba nufe yin. Yin fa di yin mi ta shim ta ka tusung yin naro̱ kazining kyo̱ndi anyining inyon ta tusung inoon wu na afabak wu baꞌ, amma yin shim yin baꞌ.

aYohana 5:32

Amma akak kuse a ta fe̱ rife̱ natoon'i, mi ren ike̱ng ife wu ta sen fe̱'me natoon'i nye katsak.