aYohana 5:30 - Izere New Testament

³⁰ Mi kyem i nye ike̱ng ikak be rice mi ze̱r baꞌ. Mi to̱ amok'i kyo̱ndi Adakunom tin tak ye i ra nye. Kamok anong amok'i nye afe katsak, kamok mi nye ike̱ng mi ta shim tsek baꞌ, amma ife aya a tin tom.

aYohana 5:30 Referans Kwoze

aYohana 6:38

Kamok mi ne naza i tá tiik kaben nong ta nye ike̱ng riye̱ mi ta shim baꞌ, amma nong ta nye ike̱ng ife aya a tin tom.

aYohana 5:19

Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip.

aYohana 4:34

Ne aYeso fe̱ be ba ye, “Naya mi nye tu nye ike̱ng wu aya a tin tom ta shim ne i gang itomong wu.

aYohana 14:10

Wan ti no̱o̱k katsak ye mi se kaye̱e̱r Ada'me, ne Ada'me se kaye̱e̱r'i aꞌa? Rife̱ mi tá fe̱ be yin nye rife̱ rice mi baꞌ, Ada'me afe a ta se kaye̱e̱r'i ne a sen nye itomong wu.

aMatiyu 26:39

Nizen aYeso tá tseng nasho̱o̱n cie̱k, ne a tigbok akuur a ta te akace a ta nye aduwa ye, “Ada, ke i ta se gye̱r, ne wan sok ako̱p risam na rice mi, amma sang ike̱ng iya mi ta shim baꞌ, iya wan ta shim.”

aYohana 8:28

Iyong sak aYeso fe̱ be ba ye, “Nizen yin tana sok yin Igon Anerawe naza, nizen iyong ne yin tà ren yin ye ‘Mi ne i nye,’ yin tà ren yin ye sang mi nye ike̱ng ikak mi ka ma mi baꞌ, amma ike̱ng iya Ada'me tin bo̱so̱p'e ne mi fe̱ tsek.

aRom 15:3

Kamok aKiristi be rice wu gip, a naka kare̱p riye̱ baꞌ. Kyo̱ndi i ta se ni izibir ye, “Ritok ákak ta ka kas ti bun ni mi.”

aYohana 8:50

Mi tse̱r kuyiik kamok rice mi baꞌ. Aner akak kuse a tin tse̱r'e, wu ne a nye aner amok'e.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aYohana 17:4

Mi tá be̱e̱n kuyiik kaye̱e̱r kazatse be itomong iya wan tin no̱o̱k i tá nye cei.

aYohana 18:11

Amma aYeso fe̱ be aBitrus ye, “Kute itsor wan nubas wu. Mi ta so̱ ako̱p risam aya Ada tin no̱o̱k aꞌa?”

aRom 2:5

Amma kamok kushonong wan i ta gaar kushishing kuse wan, wan naka tusung amok Adakunom natoon rice wan ma katuk riye̱ kubeseng Adakunom, nizen iya a tana to̱ kazatse amok kaye̱e̱r katsak.

aRom 2:2

Yir ren yir ye amok Adakunom tà to̱ aner aya a ta nye ike̱re̱ kuri iyong se gye̱r.