aYohana 5:26 - Izere New Testament

²⁶ Kyo̱ndi Ada'me ta nye iren kutser, anong ne a sak Igon wu ta sor iren kutser.

aYohana 5:26 Referans Kwoze

aYohana 11:26

ne koangan afe a ta se be kutser gip ke a ti no̱o̱k katsak ni mi a tà ku baꞌ ma izen izen. Wan ti no̱o̱k katsak rife̱ na a?”

aYohana 1:4

Kaye̱e̱r wu kutser kuse, kutser na be̱e̱n be akanang nufe ánerawe.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

Ike̱ng a ta tonong aYohana 22:17

Kabik be Abining Afas'e fe̱ ye, “Be̱!” Aner a ta fok rife̱ na ra fe̱ ye, “Be̱.” Aner a ta fok kuto̱ kukoor ne a tse̱r ashi kuso̱, a ra be̱ a ta so̱ ashi kutser warak.

1 aTimoti 1:17

Won kuyiik ne nakerek tu sor nafu ma izen izen, wu aya a tana sor Agwo̱m ma izen izen, a ta be igak baꞌ, aya sang a ta kyem a ku di baꞌ. Wu ne a ta nye Adakunom wu ze̱r tsek. Anong.

1 aKoranti 15:45

Kufumung rife̱ Adakunom fe̱ ye, “Adakunom nye Adamu afe ime̱se̱ng'e be kutser.” Adamu afe igang'e nye kabik kafe ka ta nyesek kutser.

Ike̱ng a ta tonong aYohana 22:1

Ayong amaleka'me ti tonong isho̱ng i ta be ashi kutser, i se zhe̱l kyo̱ndi agilas. Ashi'me wuruk naro̱ itsik rigwo̱m Adakunom be ife Aturuk'e,

Ike̱ng a ta tonong aYohana 21:6

A bun a fe̱ be mi ye, “An gang! Mi ne i nye Alfa ne aOmega. I ta sor ye mi ne i nye ime̱se̱ng'e ne i nye igang'e. Koangan afe a ta fok kuto̱ kukoor, mi tì ku no̱o̱k ashi a ta wuruk kaye̱e̱r itop ashi ife kutser nawarak nong a tà so̱.

1 aTimoti 6:16

Wu ze̱e̱r ne a ku baꞌ a sor na akanang aya akak tana kyem a tseng bubarak be wu baꞌ, aya akak ta kun ku di ka a ta kyem a ku di baꞌ. Kuyiik be kukyem nye kufu ma izen izen. Anong.

Itomong Ámanzo 17:25

Sang a tse̱r kutobok nufe anerawe baꞌ. A tse̱r ike̱ng ikak nufe anyin baꞌ kamok wu ne a no̱o̱k koangan kutser be isong ne koakye ike̱ng ánerawe ta tse̱r.

aYohana 14:19

A tú ku won izen cie̱k, kazatse tà bin di baꞌ, amma yin tin di yin. Kamok mi be kutser, yin gip yin tà sor yin be kutser.

aYohana 8:51

Katsak'e ne mi ta ka tak yin, aner aya ne a kuus rife̱ mi, a tà ku baꞌ sam.”

aYohana 4:10

aYeso tú shim'me ye, “Ke a fa fe̱ ye wan ren kunang Adakunom ne aya a ta ka rip ashi na, ke wan tú ku rip, a ta ka no̱o̱k ashi aya a tà no̱o̱k kutser.”

Ike̱ng a ta tonong aYohana 7:17

Kamok Aturuk a ta se natoon itsik rigwo̱m'e tà te afek ba. A tà tseng be ba naro̱ itop ashi kutser tù ku wuruk. Adakunom tà ka re̱ng ba nanyisi nanyisi ba cei.”

aYohana 6:57

Kyo̱ndi Ada afe kutser tin tom ne mi sor be kutser kamok Ada'me, anong ne aner aya afe a tin sok i ta te naya wu tà sor be kutser kamok'i.

aYohana 10:18

Akak ta kyem a sok kutser'i baꞌ. Be kushim mi ne mi no̱o̱k rice mi. Mi be kukyem mi tanin no̱o̱k kutser'i, ne mi bun i be kukyem mi tanin dorok'e. Ada mi ne a ti no̱o̱k iren anong.”

aYohana 11:25

Ayong aYeso fe̱ be wu ye, “Mi ne i nye kudorok ikom ne i nye kutser. Aya a tin no̱o̱k katsak ni mi ko ke a ku gip a tà se̱ kutser,

Ibrani 1:2

Amma kaye̱e̱r inom igang'e na, a fe̱ kanu be yir be Igon wu, aya a tú ku sak a ta te a ya kutse ike̱re̱ cice̱r. Mak be wu ne a nye koakye.