Kamok akanang'e ne a sak a ta di koakye de̱s iyong ne i sak rife̱ Adakunom ta fe̱ ye, “Dorok, wan aya i ta se be ida, dorok kaye̱e̱r áfe a tan kus ne akanang aKiristi tin samang natoon wan.”
Amma izen saase, n nye, ife áfe kuya Adakunom iben kaye̱e̱r katsak tana ya Ada'me kaye̱e̱r kabik be katsak, kamok ba ne á nye kuri aya afe Ada'me ta tse̱r.
“Zibir amaleka ikilisiya aSardis'e ye: Rife̱ na ne nufe aner aya a ta be nabik Adakunom kanataar ne a yiir ádar kanataar nubo̱k wu. Mi ren kunye wan. Ánerawe ta di kyo̱ndi wan nye atser aser wan nye kukom'e.
Nizen iya yin ta se yin kyo̱ndi ikom'e kaye̱e̱r rine̱n yin be kuwon dar kunye izhak ife kuse yin kufe rine̱n, Adakunom sak yin bun i te yin atser kaye̱e̱r aKiristi. A ti re̱ng yir rine̱n yir cei.
Kamok abatisma yir a ti ne̱r yir mak be wu, yir te yir azining be wu kaye̱e̱r riku wu. Kyo̱ndi a tá dorok aKiristi nure̱k be kutser be kuyiik Ada'me, anong ne yir gip ta sor yir kaye̱e̱r kusor kufas.
Nama aYeso tá fe̱ ike̱re̱ na, ne a sok rice wu naza a tá ye̱re̱k kaza nong a tá nye aduwa ye, “Ada, izen'e n nye. Tiyiik Igon wan, nong wu gip a tà ka tiyiik.
A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.
Aner ame fe̱ be ba ye, “Mi tsang i ka tak yin amma yin wesek yin kuto baꞌ. Akye̱ sak yin ta shim ta bun i fok yin gbak e̱? Ka yin shim yin ta te yin álimazhiri wu gip e̱?”