aYohana 5:24 - Izere New Testament

²⁴ “Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser.

aYohana 5:24 Referans Kwoze

aYohana 3:36

Koangan ne a tin no̱o̱k katsak ni Igon'e, a be kutser kufe izen izen. Amma afe a ta rawu Igon'e, a tà se̱ kutser'ong baꞌ, kamok riye̱ kubeseng Adakunom se rice wu.”

aYohana 3:18

Koangan afe a tin no̱o̱k katsak ni wu, a tu ku to̱ amok baꞌ, amma aya a tin no̱o̱k katsak baꞌ, a mu ku to̱ amok kamok a tin no̱o̱k katsak riyerek asuze̱r Igon Adakunom baꞌ.

aYohana 6:40

Kamok kushim Ada mi nye ye, koangan afe a tin sak anyisi na Igon'e ne a ni no̱o̱k katsak, a tà se̱ kutser kufe izen izen, ne mi ku dorok katuk igang'e.”

aRom 8:1

Kamok anong, amok bu kuse natoon áya a ta se kaye̱e̱r aYeso Kiristi baꞌ.

aYohana 6:47

Katsak'e ne mi ta ka tak yin, aner aya a tin no̱o̱k katsak ni mi, a be kutser kufe izen izen.

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

aYohana 11:26

ne koangan afe a ta se be kutser gip ke a ti no̱o̱k katsak ni mi a tà ku baꞌ ma izen izen. Wan ti no̱o̱k katsak rife̱ na a?”

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

aYohana 8:51

Katsak'e ne mi ta ka tak yin, aner aya ne a kuus rife̱ mi, a tà ku baꞌ sam.”

1 aTasalonika 5:9

Kanye̱k Adakunom se nong amok tin ku ni yir baꞌ, amma nong yir ta se̱ yir kashesh kaye̱e̱r Agwo̱m Ágwo̱m yir.

1 aYohana 5:1

Koangan afe a ta no̱o̱k katsak ye aYeso nye aKiristi, nye igon Adakunom. Koangan afe a ta shim Ada'me, a tà shim igon'e gip.

aMarkus 16:16

Aner aya ne a ti no̱o̱k katsak, a tu ku nye abatisma a ta se̱ kashesh. Amma aner aya ne a gaar ku ni no̱o̱k katsak, a tù ku to̱ amok.

1 aYohana 3:14

Yin ren yin, yir tsang i nye yir ikom'e cice̱r nabik, amma kyo̱o̱rna yir be yir kutser kamok yir shim yir áronyining yir. Aner aya afe a ta shim aronyining wu baꞌ, a nye kukom'e nabik.

aYohana 12:44

Ayong aYeso tá kuto̱ naza a tá fe̱ ye, “Koangan ne a ti no̱o̱k katsak ni mi, ni mi ne a ti no̱o̱k katsak tsek baꞌ, amma naya a tin tom.

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.

1 aBitrus 1:5

Yin aya kamok kuno̱o̱k katsak yin, Adakunom kaye̱e̱r agbang kukyem wu ta ka fek yin ma yin se̱ yin kashesh na a tana tun katuk igang'e nong koangan tà di.

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aYohana 4:36

Kyo̱o̱rna aner kutusung'e se̱ ishorong wu, a tusung kamok kutser kufe izen izen, nong ase̱ aner afe a ta tuus ne afe a ta tusung ta nye riye̱ rikan mak.

aYohana 6:50

Amma ayu ne a nye naya naya na ta ne naza, ke akak ya a tà ku baꞌ ma izen izen.

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

aYohana 6:58

Ayu ne a nye naya na tá ne naza. Átukop yir agbugbang'e ya naya a ta yis ye amanna amma a kus cice̱r ba. Aner aya ne a ya naya na, a tà sor ma izen izen.”