aYohana 5:23 - Izere New Testament

²³ nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

aYohana 5:23 Referans Kwoze

1 aYohana 2:23

Akak kuse a tana rawu Igon Adakunom ne a te azining be Ada'me baꞌ. Aner aya a ta shan Igon'e, a shan Adakunom a ta nye Ada'me gip.

aLuka 10:16

“Aner aya a ta ka fok yin kuto, i nye ye a ti fok. Aner aya a ta ranyin, i nye ye a ti ramin. Aya a ti ramin, i nye ye a rawu aner aya a tin tom.”

2 aYohana 1:9

Katsak'e, mi ta ka tak yin, koangan afe sang a ta kuus kubo̱so̱p aKiristi ta shim baꞌ, a yiir nye ike̱re̱ wu ta shim tsek, an te azining be Adakunom baꞌ. Aner aya a ta yiir kuus kubo̱so̱p aYeso Kiristi an te azining be Ada ne aYeso Igon Adakunom'me.

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

Ibrani 1:6

Nizen iya Adakunom tá tom igon wu kafe ime̱se̱ng'e kaye̱e̱r kazatse, a bun a fe̱ ye, “Won ámaleka cice̱r tu ku ya iben.”

Afisa 6:24

Ritek se mak be áya a ta shim Agwo̱m Ágwo̱m yir aYeso Kiristi cice̱r ne kushim kuya sang ku tana gang baꞌ.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

aRom 8:9

Amma yin, Kabik Adakunom ne ka ti nye rigwo̱m natoon yin sang rine̱n baꞌ, ke Kabik Adakunom sor kaye̱e̱r yin. Aner aya a ta be Kabik aKiristi baꞌ, a nye afe aKiristi baꞌ.

1 aKoranti 10:31

Kamok anong koakye ne yin ta sen nye yin'e, kaye̱e̱r kuya ka kuso̱ yin ayi, nye yin koakye kamok ku tiyiik Adakunom.

aRom 6:22

Amma kyo̱o̱rna a ta ma ka tun yin kaye̱e̱r rine̱n i tan te yin ásam Adakunom, ike̱ng iya yin tana se̱ yin nye kusor kuzhe̱l'e kuya ku tana be̱e̱n be kutser kufe izen izen.

aYohana 16:14

A tin tiyiik, kamok a tà kok ike̱re̱ iya i ta nye inaan ne a ka taas yin.

1 aKoranti 6:19

Yin ren yin ye kuro̱m yin nye karo̱ kusor Kabik Kazhe̱l'e aꞌa? Wu ne a se kaye̱e̱r yin, aya Adakunom tá ka no̱o̱k yin aꞌa? Yin sor yin kusor rice yin baꞌ,

aMatiyu 12:21

Áner áfe sang á ta nye aner aYahuda baꞌ tin te riye̱ ba riyerek wu.”

2 aTimoti 1:12

Ike̱ng i ta sak mi ta sen so̱ risam kuri riyuna'ong. Gip be anong mi fok isum baꞌ, kamok mi ren kuri aner aya mi tin no̱o̱k katsak ni wu ne i bun i ren tse̱ng tse̱ng ye a be kukyem kufe a tanin sak riye̱ nike̱ng iya a tin won amana'me ma Katuk'ong.

2 aKoranti 13:14

Ritek Agwo̱m Ágwo̱m yir aYeso Kiristi ne kushim Adakunom be kunyim rice Kabik Kazhe̱l'e se mak be yin cice̱r.

2 aKoranti 5:19

Rife̱ yir se ye, Adakunom shishing ánerawe kazatse nong á ta te áferime̱ wu kamok aKiristi. Adakunom fa rine̱n ba natoon rice ba baꞌ. A ti no̱o̱k yir rife̱ ánerawe tana te áferime̱ wu.

2 aKoranti 1:9

Katsak'e, yir di yir ye a min te̱n yir amok riku, amma iyu se anong, nong fan yir bu nye yir ike̱ng ikak be rice yir nong tin fereng yir na Adakunom, afe a ta dorok ikom.

1 aKoranti 1:3

Ritek ne kameneng riye̱ riya ri ta nes nufe Adakunom a ta nye Ada yir ne Agwo̱m Ágwo̱m aYeso Kiristi yir se mak be yin.

aYohana 14:1

“Sang tu daam yin baꞌ. Ni no̱o̱k yin katsak na Adakunom ne i ni no̱o̱k yin katsak ni mi.

aMatiyu 10:37

“Aner a ta shim atek ka anyining wu ayi ne a ni nar, ta kyem a ta te anaan baꞌ. Aner a ta shim igon ka angas wu ayi ne a ni nar ta kyem a ta te anaan baꞌ.

2 aKoranti 5:14

Koakye ne yir nye yir, sang kamok rice yir baꞌ, amma kamok ku shim aKiristi yir ne ku sak yir ta nye yir ike̱re̱'ong, yir ti no̱o̱k yir katsak ye aner azining ku kamok ánerawe cice̱r, kamok anong ne ánerawe cice̱r kus.

1 aKoranti 16:22

Aner aya a ta shim Agwo̱m Ágwo̱m baꞌ, Riman'e tu ku kuus. Be̱ aYeso, Agwo̱m Ágwo̱m.

aRom 15:12

Ishaya bun a fe̱ gbak ye, “Akak kaye̱e̱r kuri aZhese ta wuruk, a ta dorok a tin nye rigwo̱m natoon áya sang á ta nye áner aYahuda baꞌ, ne áya sang á ta nye áner aYahuda baꞌ, tin te riye̱ ni wu.”

aRom 1:7

Mi ta zibir yin'e cice̱r yin aya ita se yin na aRom, yin áya Adakunom ta shim, a tá ka yis yin nong tà te yin ázhe̱l'e. Ritek be kameneng riye̱ riya ri ta nes nufe Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

aYohana 17:10

Koakye mi ta be cei nye ifuan, ne ike̱re̱ wan ta be cei nye inaan. Mi n se̱ kuyiik kamok ba.

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

aMatiyu 15:8

“ ‘Ánerawe na tiyiik be nanu ba tsek, amma aye̱ ba se gugo̱k be mi.