aYohana 5:19 - Izere New Testament

¹⁹ Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip.

aYohana 5:19 Referans Kwoze

aYohana 12:49

Kamok mi fe̱ rife̱ rice mi baꞌ, amma Ada mi afe a tin tom wu ne a ti tees ike̱ng iya mi tana fe̱ be iren iya mi tana fe̱.

aYohana 8:28

Iyong sak aYeso fe̱ be ba ye, “Nizen yin tana sok yin Igon Anerawe naza, nizen iyong ne yin tà ren yin ye ‘Mi ne i nye,’ yin tà ren yin ye sang mi nye ike̱ng ikak mi ka ma mi baꞌ, amma ike̱ng iya Ada'me tin bo̱so̱p'e ne mi fe̱ tsek.

aYohana 14:10

Wan ti no̱o̱k katsak ye mi se kaye̱e̱r Ada'me, ne Ada'me se kaye̱e̱r'i aꞌa? Rife̱ mi tá fe̱ be yin nye rife̱ rice mi baꞌ, Ada'me afe a ta se kaye̱e̱r'i ne a sen nye itomong wu.

aYohana 10:18

Akak ta kyem a sok kutser'i baꞌ. Be kushim mi ne mi no̱o̱k rice mi. Mi be kukyem mi tanin no̱o̱k kutser'i, ne mi bun i be kukyem mi tanin dorok'e. Ada mi ne a ti no̱o̱k iren anong.”

aRom 8:11

Ke Kabik Adakunom aya a tá dorok aYeso nure̱k sor kaye̱e̱r yin, to̱, wu aya a tá dorok aYeso kaye̱e̱r kure̱k tá no̱o̱k iro̱m yin kuya ku tana bus kutser kamok Kabik wu kaya ka ta sor kaye̱e̱r yin.

aYohana 9:4

Yir ta ya yir kasho̱o̱n be kunye itomong aya a tin tom dim. Kamok izen saase karo̱ tana te whi, akak ta ba kyem a nye itomong baꞌ.

aLuka 21:15

Kamok mi tà ka no̱o̱k yin ike̱ng iya yin tana fe̱ yin be kukyem kuya sang ámudo̱n yin tana kyem á ya kanu be yin baꞌ.

aYohana 5:21

Kyo̱ndi Ada'me ta dorok áya a tan kus ne a ka no̱o̱k ba kutser, anong ne Igon'e nyesek aya riye̱ wu ta shim kutser.

2 aKoranti 5:10

Kamok koangan yir ta nyeseng nasho̱o̱n itsik amok aKiristi, nong a tà shan ishorong wu tite̱re̱ be ike̱ng wu tá nye kum ni wu rusek nuro̱m na, ka i tu nye itek ka imaan'e.

aYohana 3:3

Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

Ike̱ng a ta tonong aYohana 2:23

Mi tà fe̱s inoon wu cei nong ase̱ áfikuus cice̱r tà ren ye, mi ne i nye afe kuye̱re̱k aye̱ ánerawe be kuto̱ro̱ng ba cei. Mi tù ku karang koangan yin tite̱re̱ be itomong wu.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

aKolosi 1:16

Kamok be wu ne Adakunom nye ike̱re̱ cice̱r, iya i ta se kaye̱e̱r kaza be iya i ta se kaye̱e̱r kazatse, iya a ta di be iya sang a ta kyem a di baꞌ. Be wu ne Adakunom nye koakye ike̱ng i ta be kukyem kaye̱e̱r kaza, be áko̱k kasho̱o̱n ne áfe rigwo̱m cei ne ike̱re̱ Adakunom tá nye cice̱r, a nye mak be wu ne kamok wu.

aFilipi 4:13

Mi ta kyem i nye koakye kamok aKiristi aya a tin nyesek agap kunye'me.

aFilipi 3:21

Wu ne a be kukyem a tanin nye rigwo̱m natoon koakye. Be kukyem wu'me ne a tin shishing kuraar yir nuro̱m nong ku tà te yiik kyo̱ndi kufu.

Afisa 3:16

Mi nye aduwa ye kaye̱e̱r agbang kuyiik wu, a ta ka tsesek yin be kukyem wu, nong ta sor yin be agap kaye̱e̱r aye̱ yin kamok Kabik wu,

Afisa 2:5

iyong sak kun ne yir ru nye yir ikom'e kamok rine̱n yir, ne i sor yir be kutser mak be aKiristi. Kaye̱e̱r ritek wu ne yir ti se̱ yir kashesh.

2 aKoranti 4:14

Kamok yir ren yir ye aner aya a ta dorok Agwo̱m Ágwo̱m yir aYeso kaye̱e̱r kure̱k, a ta bun a tin dorok yir mak be wu, ne a bun a tseng be yir nasho̱o̱n wu mak be yin.

1 aKoranti 15:12

To̱, ke a nye awazi natoon kudorok aKiristi nure̱k, kamok akye̱ ákak yin fe̱ ye kudorok ikom kuse baꞌ e̱?

aRom 6:4

Kamok abatisma yir a ti ne̱r yir mak be wu, yir te yir azining be wu kaye̱e̱r riku wu. Kyo̱ndi a tá dorok aKiristi nure̱k be kutser be kuyiik Ada'me, anong ne yir gip ta sor yir kaye̱e̱r kusor kufas.

Itomong Ámanzo 2:24

Adakunom tú ku dorok nure̱k be kutser, a tú ku kam be amaan risam riku kamok riku kyem ri tú ku yiir baꞌ.

aYohana 2:19

aYeso tú shim ba'me ye, “Yirik yin kutu kuya Adakunom iben na, mi tà bun i no̱k kaye̱e̱r inom itaar.”

1 aTasalonika 4:14

Yir ti no̱o̱k yir katsak ye, aYeso ku, a tá bun a dorok be kutser, anong ne áya a tá mereng ida kaye̱e̱r Agwo̱m Ágwo̱m yir. Adakunom tà be̱ be ba mak be aYeso katuk igang'e.

aKolosi 1:11

Yir bun i nye yir aduwa ye yin ta te yin gbugbong be ayiik kukyem wu nong yin ta se̱ yin ku naka tsesek ne i yiir yin aye̱. Won yin tu sor yin áfe riye̱ rikan,

aMatiyu 26:39

Nizen aYeso tá tseng nasho̱o̱n cie̱k, ne a tigbok akuur a ta te akace a ta nye aduwa ye, “Ada, ke i ta se gye̱r, ne wan sok ako̱p risam na rice mi, amma sang ike̱ng iya mi ta shim baꞌ, iya wan ta shim.”

aYohana 6:38

Kamok mi ne naza i tá tiik kaben nong ta nye ike̱ng riye̱ mi ta shim baꞌ, amma nong ta nye ike̱ng ife aya a tin tom.

aYohana 12:50

Mi ren ye rife̱ wu be̱e̱n be kutser kufe izen izen. Kamok anong, koakye mi ta fe̱ nye ike̱ng iya Ada mi tin tees.”