aYohana 5:18 - Izere New Testament

¹⁸ Kamok anong áner aYahuda tse̱r iren kufe̱r aYeso, sang kamok a tá shorop itsi kunom Asabar tsek baꞌ, amma a yis Adakunom ye ada wu, ne a sok rice wu tite̱re̱ be Adakunom.

aYohana 5:18 Referans Kwoze

aYohana 10:33

Áner aYahuda ame fe̱ ye, “Ei, sang kamok itomong itek wan tá nye ne yir sen ka barak yir baꞌ, amma kamok kuzhe̱e̱sh wan tá nye Adakunom'me. Wan nye anerawe tsek, amma wan sok rice wan ye wan nye Adakunom.”

aYohana 10:30

Mi be Ada'me i se yir ázining.”

aYohana 19:7

Amma áner aYahuda yiir'e ding ding ye, “Yir be yir itsi, itsi yir fe̱ ye, a tù ku fe̱r dim, kamok wu sok rice wu ye wu nye Igon Adakunom.”

aYohana 8:58

aYeso fe̱ be ba ye, “Katsak'e ne mi ta ka tak yin, nizham a tá ra tes Ibrahim ‘Mi Nye I Nye.’ ”

aYohana 14:23

aYeso fe̱ be wu ye, “Koangan afe a tin shim a tà kuus ike̱ng iya mi tá bo̱so̱p. Ada mi tù ku shim, ne yir be yir nufu ne i sor yir mak be wu.

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

aFilipi 2:6

Aya a ta nye Adakunom nuse, a ra sok rice wu te̱re̱ be Adakunom ding ding baꞌ,

Ike̱ng a ta tonong aYohana 22:3

Adakunom tà ba fiming ike̱ng ikak baꞌ. Itsik rigwo̱m Adakunom be itsik rigwo̱m Aturuk'e tà sor kaye̱e̱r kuwo̱p'e ne ásam wu ku nye itomong.

Ike̱ng a ta tonong aYohana 22:1

Ayong amaleka'me ti tonong isho̱ng i ta be ashi kutser, i se zhe̱l kyo̱ndi agilas. Ashi'me wuruk naro̱ itsik rigwo̱m Adakunom be ife Aturuk'e,

aYohana 8:54

aYeso tú shim ba'me ye, “Ke mi tiyiik rice mi, kuyiik'e sor ike̱ng ikak baꞌ. Ada mi aya yin ta di yin ye a nye Adakunom yin, ne a nye aner a tin tiyiik.

aYohana 7:19

Aser, aMusa ne a tá ka no̱o̱k yin Itsi aꞌa? Amma gip be anong, akak kuse kaye̱e̱r yin a ta kuus Itsi'me baꞌ. Akye̱ sak yin shim tin fe̱r yin e̱?”

aYohana 7:1

Nama anong, aYeso tsang a gorok aGalili. Amma shim a tá tseng kaye̱e̱r aYahudiya baꞌ, kamok áner aYahuda á tá se azong shim a tú ku fe̱r.

aYohana 5:16

Kamok aYeso tá nye ike̱re̱ na katuk Asabar, áner aYahuda tu tabak.

aYohana 14:9

Ne aYeso fe̱ be wu ye, “aFilibus, wan ti ren aꞌa? Mi ta kun sor mak be yin izen dide̱ng na. Koangan a tin di, a di Ada'me. Akye̱ sak wan tá fe̱ ye, ‘Ni tonong yir Ada'me e̱?’

aMatiyu 12:5

Ka yin kun fa yin kaye̱e̱r kufumung Itsi aMusa ye, ‘Katuk Asabar atsi nye ike̱ng iya i ta nye itek baꞌ, gip be anong ko i sor rine̱n baꞌ’ aꞌa?

aYohana 1:19

Iyu ne i nye ike̱ng ife aYohana tá fe̱ nizen iya áner aYahuda aya a tase na aUshalima tá tom átsi ne áner aLawi ye á ra su ku rip ye, “Wan nye angan e̱?”

aYohana 5:15

Iyong aner ame tseng nong a tá se tak áko̱k kasho̱o̱n aner aYahuda ye aYeso ne a sak wu ta te atser.

aYohana 5:17

aYeso fe̱ be ba ye, “Ada mi se kaye̱e̱r itomong wu koakye izen, mi gip mi se be itomong'i.”