aYohana 4:48 - Izere New Testament

⁴⁸ aYeso fe̱ be wu ye, “Sang ke yin di yin ike̱re̱ i tana tonong ne itomong azhing baꞌ, yin ti no̱o̱k yin katsak natoon'i baꞌ.”

aYohana 4:48 Referans Kwoze

aYohana 20:29

Ne aYeso fe̱ be wu ye, “Kamok wan tin di ne wan ti no̱o̱k katsak. Aner riye̱ rikan ne a nye aner aya a tin di baꞌ, amma ne a ni no̱o̱k katsak.”

Ibrani 2:4

Adakunom gip a tonong ye i se anong be kunye ike̱re̱ azhing ne ife kukyem ne kunang Kabik Kazhe̱l'e tá kasap anerawe kyo̱ndi wu ta shim.

1 aKoranti 1:22

Áner aYahuda shim ke á di itomong azhing, ne áner aHeleni shim ke á se̱ kukyem.

Itomong Ámanzo 2:22

“Áner Isarela fok yin rife̱ na, aYeso a tá nye afu Nazaret nye aner aya Adakunom tá ka tom yin'e. Adakunom nye itomong azhing be ife kukyem kaye̱e̱r wu nasho̱o̱n yin, yin ren yin anong be rice yin.

aYohana 12:37

Cei be ike̱re̱ azhing aYeso tá nye na anyisi ba, gip be anong ba ti no̱o̱k katsak ni wu baꞌ.

2 aKoranti 12:12

Ike̱re̱ iya i ta tonong ye mi nye amanzo, mi nye kaye̱e̱r yin be kutatan. Itomong azhing be ike̱re̱ azhing'ong tonong ye mi nye amanzo afe katsak.

aRom 15:19

kaye̱e̱r kukyem kunye ike̱re̱ azhing ne itomong azhing, kaye̱e̱r kukyem Kabik. Kum a ta san'e na aUshalima ma a gorok'e ma na Ilirikum, mi taas Rife̱ Ritek natoon aKiristi cei.

Itomong Ámanzo 14:3

aBulus be aBarnabas ta inom gaan azong ne a taas rife̱ Adakunom be riye̱ rizining. Adakunom tonong ye itak ritek wu nye katsak kamok a ta no̱o̱k ba kukyem a tin nye ike̱re̱ azhing be ife kukyem.

aMarkus 13:22

Kamok ákiristi abo̱o̱s, ne áner kuzarap afe abo̱o̱s tà wuruk á ta nye ike̱re̱ azhing ne itomong azhing nong a ta wo̱k aya Adakunom tan kasa, ke a fa nye ba ta kyem a nye anong.

aMatiyu 24:24

Kamok aKiristi áfe abo̱o̱s be áner kuzarap abo̱o̱s tà wuruk ne á nye itomong azhing be ike̱re̱ azhing nong á ta wo̱ro̱k ánerawe ma be áya a tan kasa, ke i ta kyem i se anong.

Itomong Ámanzo 2:43

Inyim ro̱ koangan dide̱ng kamok Adakunom tá nye itomong azhing dide̱ng ne ike̱re̱ azhing dide̱ng be ámanzo'me.

aYohana 2:18

Ne áko̱k kasho̱o̱n áner aYahuda be̱ nufu ne á ku rip ye, “Akye̱ kuri itomong azhing ne wan ta kyem i ni tonong yir nong yir ta ren yir ye wan ta kyem i nye anong cei e̱?”

aLuka 16:31

“Ne Ibrahim fe̱ be wu ye, ‘Ke á kuus Itsi aMusa ne á fok rife̱ áner kuzarap Adakunom baꞌ, ko a fa fe̱ ye akak fa dorok kaye̱e̱r áfe a ta n kus gip, á tin no̱o̱k katsak baꞌ.’ ”

2 aTasalonika 2:9

Agwo̱m kushonong'e, tá be̱ be kunye ike̱re̱ kuri ife Ishetan, a tà nye ike̱re̱ azhing ne kukyem ne kubok be abo̱o̱s,

Itomong Ámanzo 15:12

Iyong ánerawe whe̱re̱ á tan nyim te gbik á tá foos aBarnabas be aBulus tá taas ike̱re̱ ife kukyem ne ife azhing iya Adakunom tan nye nubo̱k ba kaye̱e̱r áner sang a tá nye áner aYahuda baꞌ.

Itomong Ámanzo 7:36

aMusa'me ne a tá tun ba kaye̱e̱r kaben aMasar. A nye ike̱re̱ azhing be ife kukyem niben aMasar'e be na agbang kudung kuseng ze̱e̱r be iya a tá nye ife aye̱ iso̱k inaas kaye̱e̱r katse.

Itomong Ámanzo 6:8

Aner akak a tú ku yis ye Itifanus, a nye aner a tá ritek ne kukyem Adakunom tá se mak be wu dide̱ng, a nye ike̱re̱ azhing ne itonong iya i tá kukyem Adakunom nasho̱o̱n ánerawe.

Itomong Ámanzo 5:12

Ámanzo ame nye ike̱re̱ azhing be ife kukyem dide̱ng kaye̱e̱r ánerawe. Ne áfikuus cice̱r nyiis nubang kukak nutu aduwa á ta yis ye, Kubang aSolomon.

Itomong Ámanzo 4:30

Ni sak kubo̱k wan natoon ánerawe nong á ta te atser, nye ike̱re̱ azhing ne ike̱re̱ iya i tana tonong kukyem wan kaye̱e̱r riyerek asam wan azhe̱l'e aYeso.”

Itomong Ámanzo 2:19

Mi tà tonong ánerawe kukyem mi natoon kaza be ike̱re̱ azhing aze nazatse. Naso̱k be kuro̱ng ne itsing tà tseng naza kyo̱ndi kuwun ta tseng be ane̱n.

aYohana 15:24

Mi nye ike̱ng dide̱ng iya ánerawe tá baꞌ, kaye̱e̱r ba. Ke a fa fe̱ ye mi nye ba', ke a di rine̱n ba baꞌ. Amma kyo̱o̱rna ba n di itomong azhing iya mi tá nye, gip be anong, ba ti ramin ne á raba Ada mi.

aLuka 10:18

Ayong aYeso fe̱ be ba ye, “Mi di Ishetan ta samang a ta kpa ni itsik wu kyo̱ndi iza ta tarang karo̱.

aMatiyu 27:42

“A shesh ákak, amma ko a kyem a shesh rice wu baꞌ. Ke wu ne a nye agwo̱m áner Isarela, a ra tiik kaben nong yir tin no̱o̱k yir katsak ni wu.

aMatiyu 16:1

Áner aFarisi ne áfe aSadusi be̱ nufe aYeso nong a tú ku bo̱mo̱ng ye, a ra nye ike̱ng ikak ife azhing iya i tana tonong ye wu ne naza.

aYohana 4:49

Ne aner itomong rigwo̱m ame fe̱ ye, “Atekasa, be̱ i tseng yir nizham fan igon'i bu ku.”