aYohana 4:19 - Izere New Testament

¹⁹ Ne abining ame fe̱ ye, “Atekasa, mi di wan nye aner kuzarap Adakunom.

aYohana 4:19 Referans Kwoze

aYohana 6:14

Ánerawe tá di itomong azhing iya aYeso tá nye ayong á rife̱ ye, “Katsak'e, ayu ne a nye Aner Kuzarap aya a ta se ye a ta be̱ kaye̱e̱r kazatse.”

aLuka 7:39

Aner aFarisi afe a tá fe̱ ye a ra be̱ kari wu ame tá fa di anong, ne a to̱ riye̱ wu ye, “Ke a fa fe̱ ye aner na nye aner kuzarap Adakunom ke a ren aner a tú ku ras, ne a ren kuri kuse abining'e, ke a ren ye a nye aner rine̱n.”

aYohana 9:17

Ayong á bun á rip akpato̱o̱n ame ye, “Wan be ike̱ng ikak tanin tak yir natoon aner na a? Wan ne a tá karak anyisi.” Ne aner ame fe̱ be ba'me ye, “A nye aner kuzarap.”

aLuka 7:16

Cice̱r ba inyim tú ro̱, yong á kerek Adakunom ye, “Aner kuzarap agbang'e m be̱ kaye̱e̱r yir,” ne á fe̱ ye, “Adakunom m be̱ nong a ta tobok ánerawe wu.”

aYohana 7:40

Be kufok rife̱ aYeso, ákak ba fe̱ ye, “Katsak'e, aner na ne a nye aner kuzarap Adakunom'me.”

aMatiyu 21:11

Iyong áfe a ta sen kuus aYeso'me fe̱ ye, “Ayu ne a nye aYeso aner kuzarap Adakunom a ta ne na aNazaret niben aGalili.”

aLuka 24:19

Ayong a tu rip ba ye, “Akye̱ kuri ike̱re̱ e̱?” Ne á fe̱ be wu ye, “Natoon aYeso aner aNazaret. A nye aner kuzarap Adakunom. A be kukyem ku ninye ike̱re̱ ne kufe̱ kanu nasho̱o̱n Adakunom ne ánerawe cice̱r.

aYohana 4:29

“Be̱ ta di yin aner akak a ti tak koakye ike̱ng mi ta kun nye. Ka wu ne a nye aKiristi ame e̱?”

aYohana 4:18

Katsak'e nye, wan kun nye kuwe̱ne̱ng be atek atoon, aner wan ta se be wu kyo̱o̱rna nye amitek wan baꞌ, ike̱ng wan ta fe̱'ong nye katsak.”