aYohana 3:5 - Izere New Testament

⁵ aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.

aYohana 3:5 Referans Kwoze

Itomong Ámanzo 2:38

Ayong aBitrus fe̱ be ba ye, “Shishing kuse yin nong a ta ka nye yin abatisma kaye̱e̱r riyerek aYeso. A ta ka re̱ng yin rine̱n yin, nong ta se̱ yin Kabik Kazhe̱l'e kaya Adakunom ta nyesek.

Afisa 5:26

nong a tá sak a tá te zhe̱l be ku ka taas ba rife̱ Adakunom riya ri tá ka kusu ba kyo̱ndi ashi nong a ta forop.

1 aBitrus 3:21

Ashi'ong sor kyo̱ndi abatisma aya yir ta nye yir, i tin se̱ yir kashesh. Sang nong tin tun yir narik kuro̱m baꞌ, amma kamok yir ta nye yir Adakunom izong be riye̱ rizining ne kamok aYeso Kiristi tá dorok nure̱k.

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

aMatiyu 3:11

“Mi ta nye yin abatisma be ashi nong i ta tonong ye yin n shishing yin kuse yin. Amma aner a tana be̱ nama mi ti nar be kukyem, aya mi tana kyem i ra akpatak wu gum baꞌ. A tà ka nye yin abatisma be Kabik Kazhe̱l'e ne kuro̱ng.

aYohana 3:3

Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

aMarkus 16:16

Aner aya ne a ti no̱o̱k katsak, a tu ku nye abatisma a ta se̱ kashesh. Amma aner aya ne a gaar ku ni no̱o̱k katsak, a tù ku to̱ amok.

1 aKoranti 2:12

Yir n shan yir Kabik kaya ka tá ne̱ nufe Adakunom, sang kafe kazatse na baꞌ, nong ase̱ ta ren yir ike̱re̱ Adakunom tin no̱o̱k yir na awarak.

aYohana 1:13

Sang inoon naya a tá tes kuri rife rinerawe baꞌ, ka kaye̱e̱r kushim kuro̱m tsek baꞌ, ka nushim aner tsek baꞌ, amma Adakunom be rice wu ne a nye Ada ba.

1 aYohana 5:1

Koangan afe a ta no̱o̱k katsak ye aYeso nye aKiristi, nye igon Adakunom. Koangan afe a ta shim Ada'me, a tà shim igon'e gip.

1 aYohana 2:29

Ke yin ren yin aYeso nye azhe̱l'e. To̱, yin ta ren yin ye koangan a ta nye ike̱re̱ i ta se gye̱r nasho̱o̱n Adakunom gip a tà sor igon Adakunom nabik.

aGalati 6:15

Ke kunye izhak be ku won dar kunye'me nye ike̱ng ikak baꞌ, ike̱ng iya i ta nye igbang'e nye nong ta te aner afas.

aRom 14:17

Kamok itak rigwo̱m Adakunom nye itak kuya ne a so̱ baꞌ, amma itak kuse gye̱r nasho̱o̱n Adakunom ne kusor caang be riye̱ rikan kaye̱e̱r Kabik Kazhe̱l'e.

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

aMatiyu 18:3

Ne a fe̱ be ba ye, “Won ta ka tak yin katsak'e, sang ke yin shishing yin kuse yin nong i tà te yin kyo̱ndi inoon nazhizhe̱k'e baꞌ, yin tà no̱ yin kaye̱e̱r rigwo̱m kaza baꞌ.

1 aBitrus 1:2

Yin áya Adakunom a ta nye Ada ne a tá ka kasa yin kaye̱e̱r kanye̱k wu gbugbang, a bun a tá ka sak yin nong yin ta te yin ázhe̱l'e kamok kukyem Kabik Kazhe̱l'e. Kunyek wu nye nong i tá fok yin aYeso Kiristi kuto ne kumis naso̱k wu. Ritek ne kameneng riye̱ Adakunom se mak be yin dide̱ng.

Itomong Ámanzo 3:19

Kamok anong, shishing yin kuse yin tu ku bun yin nufe Adakunom nong ase̱ a ta ka re̱ng yin rine̱n yin. Yin ta se̱ yin agap afe Kabik nufe Agwo̱m Ágwo̱m,

aLuka 13:3

Won ta ka tak yin, i se anong baꞌ. Ke yin shishing yin kuse yin baꞌ, yin gip tà kus yin cei kyo̱ndi ba.

aMatiyu 5:20

Won ta ka tak yin, sang ke kunye yin kutek nar kufe áner kubo̱so̱p Itsi be áner aFarisi baꞌ, To̱, yin tà no̱ yin kaye̱e̱r rigwo̱m kaza baꞌ ko cie̱k.

aRom 8:2

Kamok kukyem Kabik ku ta nyesek kutser kaye̱e̱r aYeso Kiristi sak mi sor ne̱k, kaye̱e̱r kukyem rine̱n ne riku.

aLuka 13:24

“Nye yin koakye yin tana kyem i nye yin nong tà no̱ yin nanu kutu ka ta se whe̱. Won tà ka tak yin, ánerawe whe̱re̱ ta shim kuno̱, á tà ra kyem á no̱ baꞌ.

aLuka 13:5

Mi ta ka tak yin i se nong baꞌ. Ke yin shishing yin kuse yin baꞌ, yin gip tà kus yin cice̱r yin.”

aMatiyu 19:24

Mi bun i fe̱ be yin gbak ye, i ta se we̱e̱r we̱e̱r arakumi tana gor ni izobok kufe̱r be arum tana no̱ kaye̱e̱r rigwo̱m kaza.”

aMatiyu 21:31

“To̱, kaye̱e̱r ba afa'ong angan ne a nye ike̱ng ada ba tá shim e̱?” Iyong á fe̱ ye, “Kafe ime̱se̱ng'e.” aYeso fe̱ be ba ye, “Katsak'e ne mi ta ka tak yin, áfe kushashang itso̱m iben ne ínyak agwo̱m ta ka tsang yin kaye̱e̱r rigwo̱m Adakunom.

aMarkus 9:47

Ke rinyisi wan ta sak wan ta nye rine̱n, ne i tun. I ta ka nar tana no̱ kaye̱e̱r rigwo̱m Adakunom be rinyisi rizining be a tana ka barak kaye̱e̱r kuro̱ng be anyisi afa,

aMarkus 10:14

aYeso tá fa di anong, yong a nye riye̱ riwe, a fe̱ be álimazhiri'me ye, “Won yin inoon nazhizhe̱k'e tu be̱s nunaan, sang tu ku roon yin ba kube̱ baꞌ, kamok rigwo̱m Adakunom nye rife̱ áner kuri áyuna.

aYohana 3:4

Ne aNikodimus ku rip ye, “Ane̱ ne a ta bun a tes anerawe aya a tan te asho̱n'e e̱? A ta san'e ane̱ a ta bun a no̱ nafa ango̱ wu nong a ta bun a tu ku tes kutes kufe afa e̱?”

1 aKoranti 15:50

Ároneng ike̱ng mi ta sen fe̱ be yin na ye, kuro̱m kufe naso̱k be rinam tà no̱ kaye̱e̱r rigwo̱m Adakunom baꞌ. Anong ne ife i ta bus tà se̱ kutse kaye̱e̱r ife i ta won dar i bus baꞌ.