aYohana 3:33 - Izere New Testament

³³ Amma aner aya a ta shan rife̱ wu tonong ye Adakunom nye katsak.

aYohana 3:33 Referans Kwoze

Ibrani 6:17

Adakunom shim a ta tonong aner aya a tana di ike̱ng iya wu tá fe̱ ye wu shishing baꞌ, yong a shu.

Afisa 1:13

Kamok aKiristi, ne yin gip yin te yin áfe Adakunom nizen iya yin tá fok yin rife̱ katsak ne Rife̱ Ritek rife kutser. Izen iya yin ti no̱o̱k yin katsak natoon aKiristi, Adakunom tá no̱o̱k yin Kabik Kazhe̱l'e kyo̱ndi a tá tsang a no̱o̱k kuto̱ ye wu tà nye anong, nong a tà tonong ye yin nye yin afu.

2 aKoranti 1:22

a min tse̱k yir izizo̱ wu, ne a bun a ti no̱o̱k yir kabik wu kaye̱e̱r aye̱ yir ye nong yir ta te yir afu, nong tin no̱o̱k yir katsak natoon ike̱ng i tana be̱.

2 aKoranti 1:18

Kyo̱ndi yin ta ren yin ye, Adakunom nye aner a ta fe̱ ike̱ng ne a nye, anong ne rife̱ yir ta fe̱ yir be yin nye, “Ei ne ri bun nye Wayo” baꞌ.

aYohana 6:27

Sang tu so̱ yin risam ni itomong naya nafe na tana beseng baꞌ, amma nye yin itomong natoon naya nafe na tana no̱o̱k kutser kufe izen izen. Iyuna ne i nye kuri naya Igon Anerawe tana ka no̱o̱k yin. Kamok Ada yir Adakunom min te izizo̱ wu ni wu.”

aYohana 8:26

Ike̱re̱ kuse dide̱ng mi tana kyem i fe̱ ife amok natoon yin, amma wu aya afe a tin tom nye afe katsak. Ike̱re̱ mi tá fok nufu ne mi taas kazatse.”

aRom 4:11

Amma a tú ku nye izhak'e nong i tà sor ike̱ng iya i tana tonong ye wu se gye̱r nasho̱o̱n Adakunom. A te gye̱r nasho̱o̱n Adakunom kamok kuno̱o̱k katsak wu nizham a tá ra ku nye izhak. Kamok anong Ibrahim te Ada koangan afe a tin no̱o̱k katsak na Adakunom, amma a ta ma ku nye izhak'e baꞌ, nong ase̱ Adakunom ta sak ba ta te gye̱r nasho̱o̱n wu gip.

aRom 15:28

Ke mi gang itomong na, mi di kutom na no̱ nubo̱k ba dim, mi ta tseng na Abaniya, amma ta tire̱e̱r nufe yin.

1 aKoranti 9:2

Ko mi fa nye amanzo nufe ákak baꞌ, katsak'e mi nye amanzo nufe yin. Kamok yin sor yin ike̱ng iya i tana tonong ye mi nye amanzo nasho̱o̱n Agwo̱m Ágwo̱m.

Afisa 4:30

Sang tu beseng yin Kabik Adakunom Kazhe̱l'e riye̱ baꞌ, kamok be wu ne a ta te mo yin izizo̱ nong ta sor yin afu ma katuk a tana shesh ánerawe.

2 aTimoti 2:19

Gip be anong, katsak rife̱ Adakunom'me ri ta nye itsik'e rusek kpa be izibir natoon'e ye, “Adakunom ren áya a ta nye áfu,” be, “Koangan aya a ta fe̱ ye wu nye afe Agwo̱m Ágwo̱m a ra won amaan kunye wu dim.”

1 aYohana 1:10

Ke yir fe̱ yir ye yir n nye yir rine̱n baꞌ, i nye ye yir sok yir ye Adakunom be abo̱o̱s ne rife̱ wu kuse kaye̱e̱r aye̱ yir baꞌ.