aYohana 3:27 - Izere New Testament

²⁷ Ayong aYohana fe̱ be ba ye, “Anerawe ta kyem a se̱ ike̱ng be rice wu ba', sang ke a tú ku no̱o̱k natoon kaza ba'.

aYohana 3:27 Referans Kwoze

aYakub 1:17

Koakye kuri ritek ne kuno̱o̱k kutek kuya ku ta ne naza se gye̱r nufe Ada afe a ta be akanang aya a ta be kaben, aya afe sang a ta shishing kyo̱ndi nawu ta sesek baꞌ.

1 aKoranti 4:7

Angan ta sak wan ta nar akak e̱? Akye̱ ne wan be a ta won dar a ka no̱o̱k e̱? Ke i nye ye a tá no̱o̱k koakye ike̱ng iya wan ta be, to̱, akye̱ sak wan ta ya kuka kyo̱ndi a tá no̱o̱k baꞌ e̱?

1 aKoranti 15:10

Amma kamok ritek Adakunom ne mi n te ana, ritek wu natoon'i se kpe̱de̱ng tsek baꞌ, cie̱k. Mi n nye itomong dide̱ng ne i nar ribir ámanzo cice̱r. Gip be anong, sang mi ne i nye itomong'e be rice mi baꞌ, ritek Adakunom ne ri nye itomong'e kaye̱e̱r'i.

aMatiyu 25:15

A no̱o̱k akak íshika itso̱m itoon ife izinariya ne a no̱o̱k akak íshika ifa ne a bun no̱o̱k akak ishika azining. Koangan ba tite̱re̱ be agap wu.

1 aTimoti 2:7

Kamok ike̱re̱ iyong ne a ti kasa nong a ta te amanzo ne aner awazi. Mi te aner aya i ta bo̱so̱p áner aya a ta nye áner aYahuda baꞌ, itak kuno̱o̱k katsak ne katsak. Katsak ne mi fe̱ be wan sang abo̱o̱s baꞌ.

aMatiyu 21:25

aYohana se̱ iren kunye abatisma wu ake̱ e̱? A se̱ naza ka nufe anerawe e̱?” Iyong á san ibo̱ro̱ng awan ba ne á fe̱ ye, “Ke yir fe̱ yir ye, ‘I ne naza,’ a tin rip yir ye, ‘To̱, akye̱ sak yir ti no̱o̱k yir katsak ni wu baꞌ e̱?’

aRom 12:6

Yir be yir kunang iriri'me tite̱re̱ be ritek Adakunom tin no̱o̱k yir. Ke kunang akak nye kunang kuzarap, a rin nye kuzarap'e te̱re̱ be kuno̱o̱k katsak wu ta be.

aMarkus 13:34

I se kyo̱ndi atekasa ta won kasa wu nong wu a ta be nutseng ne a won kasa'me nubo̱k ásam wu, ne a no̱o̱k ásam ame koangan be ike̱ng iya a tana nye. Ne a fe̱ be áner kutor kasa'me ye á ra sor ne á ye̱re̱k kasa'me ne á tor kube̱ wu.

Afisa 1:1

Mi aBulus, aya i ta te amanzo aYeso Kiristi nushim Adakunom, mi ne i sen ka zibir yin kufumung na yin ázhe̱l'e áya a ta se kaye̱e̱r kuwo̱p Afisa, áya a ta kuus aYeso Kiristi be katsak.

aGalati 1:1

Mi, aBulus, amanzo – aya sang akak ka ánerawe ne a tin yis baꞌ, amma aYeso Kiristi ne Adakunom a ta nye Ada, aya a ta dorok aYeso nure̱k

1 aKoranti 12:11

Kabik kazining ne a nye ike̱re̱ na cice̱r, ne a no̱o̱k koangan kyo̱ndi wu ta shim.

1 aKoranti 3:5

Angan ne a nye Apolos nigaan'e e̱? aBulus nye angan kuruk e̱? Yir nye yir ásam Adakunom tsek, áya a ta sak yin tin no̱o̱k yin katsak, kamok Adakunom no̱o̱k koangan itomong a tana kunye'me.

aRom 1:5

Kamok wu ne riyerek wu ne yir ti se̱ yir ritek ne ku yis nong tá te ámanzo nong ta yis yir áya sang á ta nye aner aYahuda baꞌ cice̱r, nong á tin no̱o̱k katsak ne a kuus rife̱'me.

1 aKoranti 1:1

Mi, aBulus, aya a tin yis nong tà te amanzo aYeso Kiristi, kaye̱e̱r kushim Adakunom, i ta se yir mak be aronyining yir aSatanis ne i ta zibir yin kufumung na.

aYohana 6:65

Iyong a ya kasho̱o̱n be rife̱ ye, “Iyu ne i sak mi tá ka tak yin ye, akak ta kyem a be̱ nunaan baꞌ, ma ke Ada'me tú se̱ mo.”

aYohana 10:41

Ánerawe whe̱re̱ be̱s nufu. Áner'e fe̱ ye, “aYohana nye itomong azhing baꞌ, amma ike̱re̱ wu tá fe̱ cice̱r natoon aner na nye katsak.”