aYohana 3:21 - Izere New Testament

²¹ Amma aya a ta nye katsak shim kube̱ na akanang nong a ta tonong kanang ye kunye wu ta nye Adakunom ne a tu se̱ mo.”

aYohana 3:21 Referans Kwoze

1 aYohana 1:6

Kamok anong, ke yir fe̱ yir ye yir n gung yir rice be wu amma ne yir ra bun i sor yir kyo̱ndi áfe awhi, i nye ye yir be yir abo̱o̱s, i be yir katsak baꞌ.

3 aYohana 1:11

Are̱, wan aya mi ta shim, sang tu kuus ike̱re̱ iya i ta nye imaan'e baꞌ, kuus iya i ta nye itek. Koangan a ta nye ike̱ng i ta se gye̱r tonong ye wu nye igon Adakunom. Amma aner a ta nye amaan ike̱re̱ tonong ye sang wu ren Adakunom baꞌ.

Afisa 5:9

(Ritek a ta se̱ nusor akanang nye kunye kutek be kusor kuzhe̱l'e ne kunye katsak)

aFilipi 2:13

Kamok Adakunom be rice wu ne a nye itomong kaye̱e̱r aye̱ yin, kuus yin ike̱ng iya i ta nye kuto̱ro̱ng wu kutek, ne i ni nye yin itomong.

aGalati 6:8

Aner aya a ta tuus ike̱ng kaye̱e̱r kuse rinerawe, iyong tà tseng be wu riku. Amma aya ne a tuus kaye̱e̱r Kabik, a tà se̱ kutser kufe izen izen.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

aKolosi 1:29

Kamok anong ne mi nye itomong ma i ti te iso̱r be kuri agap aya aKiristi tin no̱o̱k, aya a ta nye itomong dide̱ng kaye̱e̱r'i.

aFilipi 1:11

Kamok nong, yin tà shining yin be kuse kuzhe̱l'e a ta se̱ nufe aYeso Kiristi nong ase̱ Adakunom tà se̱ kuyiik be nakerek.

aYohana 5:39

Yin yiir bo̱so̱p yin Afumung rife̱ Adakunom, kamok yin di yin ye yin tà se̱ yin kutser kufe izen izen kaye̱e̱r ba. Ba fe̱ rife̱ natoon'i.

aYohana 1:47

aYeso tá fa di aFilibus tá saase nufu ayong a fe̱ be wu ye, “Di, yin aner Isarela afe katsak, aya a ta be naborok baꞌ.”

2 aKoranti 1:12

Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.

1 aKoranti 15:10

Amma kamok ritek Adakunom ne mi n te ana, ritek wu natoon'i se kpe̱de̱ng tsek baꞌ, cie̱k. Mi n nye itomong dide̱ng ne i nar ribir ámanzo cice̱r. Gip be anong, sang mi ne i nye itomong'e be rice mi baꞌ, ritek Adakunom ne ri nye itomong'e kaye̱e̱r'i.

Ike̱ng a ta tonong aYohana 3:15

Mi ren kunye wan, wan shirim baꞌ, wan zhoosh baꞌ. Wan fa shirim ka i zhoosh ayi ke i nar.

aYohana 3:20

Koangan afe a ta nye imaan'e, a rawu akanang'e. A ta shim kube̱ na akanang'e baꞌ, fan kunye wu bu wuruk de̱s.

aYohana 7:17

Aner aya a ta shim a ta nye ike̱ng iya Adakunom ta shim, a ta ren ye kubo̱so̱p'i ne nufe Adakunom, sang kufe rice mi.