aYohana 3:18 - Izere New Testament

¹⁸ Koangan afe a tin no̱o̱k katsak ni wu, a tu ku to̱ amok baꞌ, amma aya a tin no̱o̱k katsak baꞌ, a mu ku to̱ amok kamok a tin no̱o̱k katsak riyerek asuze̱r Igon Adakunom baꞌ.

aYohana 3:18 Referans Kwoze

1 aYohana 5:10

Koangan afe a ta no̱o̱k katsak ye aYeso ne a nye Igon Adakunom'me ren riye̱ wu ye ike̱ng Adakunom tá fe̱ nye katsak. Koangan afe a tin no̱o̱k katsak nike̱ng Adakunom tá fe̱'me baꞌ, a tonong ye Adakunom be abo̱o̱s kamok a ti no̱o̱k katsak nike̱ng Adakunom tá fe̱ natoon Igon wu baꞌ.

aMarkus 16:16

Aner aya ne a ti no̱o̱k katsak, a tu ku nye abatisma a ta se̱ kashesh. Amma aner aya ne a gaar ku ni no̱o̱k katsak, a tù ku to̱ amok.

aRom 8:1

Kamok anong, amok bu kuse natoon áya a ta se kaye̱e̱r aYeso Kiristi baꞌ.

aYohana 5:24

“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser.

1 aYohana 5:12

Kamok anong, aya a tan te azining be Igon Adakunom'me be kutser kufe izen izen, aya a tan te azining be Igon'e baꞌ, a be kutser kufe izen izen baꞌ.

aYohana 3:36

Koangan ne a tin no̱o̱k katsak ni Igon'e, a be kutser kufe izen izen. Amma afe a ta rawu Igon'e, a tà se̱ kutser'ong baꞌ, kamok riye̱ kubeseng Adakunom se rice wu.”

aRom 5:1

Kamok anong kum yir tan se̱ yir kute gye̱r nasho̱o̱n Adakunom kamok kuno̱o̱k katsak yir, yir sor yir caang be Adakunom kamok Agwo̱m Ágwo̱m yir, aYeso Kiristi.

1 aYohana 4:9

Ana ne Adakunom tonong kushim wu kaye̱e̱r yir. A ta tom asuze̱r Igon wu kaye̱e̱r kazatse na nong ase̱ yir tà se̱ yir kutser kamok wu.

aRom 8:34

Angan ne a ta kyem a ta te̱n anerawe amok e̱? aYeso Kiristi, aya a tá ku, sang a ku tsek baꞌ, a tú ku dorok nure̱k be kutser, aya a ta se nubo̱k riya Adakunom ne a nye izong kamok yir.

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

aYohana 6:47

Katsak'e ne mi ta ka tak yin, aner aya a tin no̱o̱k katsak ni mi, a be kutser kufe izen izen.

aYohana 6:40

Kamok kushim Ada mi nye ye, koangan afe a tin sak anyisi na Igon'e ne a ni no̱o̱k katsak, a tà se̱ kutser kufe izen izen, ne mi ku dorok katuk igang'e.”

aYohana 1:18

Aner akak kun di Adakunom baꞌ. Amma asuze̱r ke Igon wu tsek, aya a ta se rifam Atek wu, ne a sak yir tú ku ren yir.

Ibrani 2:3

yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.

Ibrani 12:25

Sak yin riye̱, tu rayin aner a ta fe̱ rife̱ na baꞌ. Ke á kyem á wher nizen ba tá raba aner aya a tá ka tigba ba nazatse baꞌ, yir ta nye yir ane̱ ta wher yir ke yir ti nang yir kama ni wu afe a tin tigba yir naza e̱?

aYohana 1:12

Amma cice̱r áfe a tú ku shan ne á ni no̱o̱k katsak riyerek wu, a tá no̱o̱k ba iren kute inoon Adakunom.

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

Ibrani 3:19

Kamok anong, yir ren yir ye á kyem á no̱ baꞌ, kamok kuwon dar kuno̱o̱k katsak ba.

1 aYohana 3:23

Ike̱ng Adakunom tá fe̱ ye i ra nye yir'e nye ye, i rin no̱o̱k yir katsak ni Igon wu aYeso Kiristi ne i naka shim yir kyo̱ndi aYeso tá fe̱ be yir.