aYohana 3:17 - Izere New Testament

¹⁷ Kamok sang Adakunom tom Igon wu kaye̱e̱r kazatse nong a tà be̱ a to̱ kazatse amok baꞌ, amma nong kazatse tin se̱ kashesh ni wu.

aYohana 3:17 Referans Kwoze

1 aYohana 4:14

Yir n di yir be anyisi yir ne i bun i taas yir ánerawe katsak'e ye Adakunom n tom Igon wu nong ka tà sor aner a tana shesh kazatse na.

aLuka 19:10

Kamok Igon Anerawe be̱ nong a tà tse̱r ne a shesh ike̱ng i tan wei.”

aYohana 6:57

Kyo̱ndi Ada afe kutser tin tom ne mi sor be kutser kamok Ada'me, anong ne aner aya afe a tin sok i ta te naya wu tà sor be kutser kamok'i.

aYohana 6:40

Kamok kushim Ada mi nye ye, koangan afe a tin sak anyisi na Igon'e ne a ni no̱o̱k katsak, a tà se̱ kutser kufe izen izen, ne mi ku dorok katuk igang'e.”

aYohana 6:29

Ne aYeso fe̱ be ba ye, “Ike̱ng ife Adakunom ta shim yin ta nye yin nye: Ni no̱o̱k yin katsak naya afe wu tá tom.”

aYohana 20:21

Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.”

1 aYohana 2:2

Wu ne a nye asidaka kure̱ng rine̱n yir. Kamok yir tsek baꞌ, amma ánerawe kazatse cei.

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

aYohana 11:42

Mi ren ko gbugbang gip wan ti fok, amma mi fe̱ anong, nong ánerawe na aze, tin no̱o̱k katsak ye wan ne i ti tom.”

aYohana 7:29

Mi tú ku ren kamok mi ne nufu, wu ne a ti tom.”

aYohana 5:45

“Amma tu di yin ye mi tà tseng kukun yin nufe Ada mi baꞌ. Aner amok yin nye aMusa, aya yin tin te yin riye̱.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aYohana 1:29

Katuk afe afa aYohana di aYeso saase nufu, yong a fe̱ ye, “Di yin, Aturuk Adakunom, aya a tan n sok rine̱n kazatse!

aYohana 17:8

Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.

aYohana 10:36

Mi ne Ada ti sak i tá te zhe̱l, ne a ni tom nazatse, rife̱ kuzhe̱e̱sh ne mi tá fe̱ ye mi nye Igon Adakunom a?

aYohana 5:36

“Mi be ayiik rife̱ natoon'i rife̱ i ta nar rife̱ aYohana, kamok itomong iya Ada tin no̱o̱k ye i ra gang, iyong ne mi sen nye'me ne i fe̱ ye, Ada ti tom.

aYohana 17:21

Ada, aduwa mi se ye, ba ra te azining cice̱r, kyo̱ndi wan ta se azining be mi ne mi ma se azining be wan. Won ba gip á tu te azining be yir. Be anong ne kazatse tin no̱o̱k katsak ye wan ne i ti tom.

aYohana 5:38

Rife̱ wu kuse naye̱ yin baꞌ, kamok yin ti no̱o̱k yin katsak naya wu ta tom baꞌ.

aMatiyu 1:23

“Di yin, kanamang tà be kafa, a tà tes igon, a tù ku yis ye Imanuwel. (Imanuwel sor, Adakunom se mak be yir.)”

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

aLuka 9:56

Ne á be ba nuwo̱p kukak.

aYohana 3:34

Kamok aya Adakunom ta tom fe̱ rife̱ Adakunom, kamok Adakunom tu ku no̱o̱k Kabik wu dar igak.

aYohana 6:38

Kamok mi ne naza i tá tiik kaben nong ta nye ike̱ng riye̱ mi ta shim baꞌ, amma nong ta nye ike̱ng ife aya a tin tom.

aYohana 8:11

Ayong abining ame fe̱ be aYeso ye, “Atekasa, akak kuse baꞌ.” Ne aYeso fe̱ be wu ye, “To̱, mi gip mi ta ka to̱ amok baꞌ. Tseng, amma won kunye rine̱n.”

aYohana 17:18

Kyo̱ndi wan tin tom kaye̱e̱r kazatse, anong ne mi ka tom ba kaye̱e̱r kazatse.

aYohana 17:23

Mi sor kaye̱e̱r ba ne wan kaye̱e̱r'i. Won ba tù gung rice dide̱ng, nong ase̱ kazatse tà ren ye wan ti tom, ne ka ren ye mi tú shim ba kyo̱ndi wan tin shim.

aYohana 17:25

“Ada, Wan nye azhe̱l'e, kazatse tá ka ren baꞌ gye̱r tatan, amma mi tá ren. Á ren ye wan ne i ti tom.

aMatiyu 18:11

[Kamok Igon Anerawe be̱ nong a ta shesh ike̱ng iya i tá wei.]