aYohana 3:13 - Izere New Testament

¹³ Akak kun tseng naza baꞌ, ma ke aya a ta ne naza, wu ne a nye Igon Ánerawe.

aYohana 3:13 Referans Kwoze

aYohana 6:38

Kamok mi ne naza i tá tiik kaben nong ta nye ike̱ng riye̱ mi ta shim baꞌ, amma nong ta nye ike̱ng ife aya a tin tom.

Itomong Ámanzo 2:34

Sang aDauda be rice wu ngarak kaye̱e̱r kaza kyo̱ndi aYeso baꞌ, gip be anong a fe̱ ye, “ ‘Agwo̱m Ágwo̱m fe̱ be Agwo̱m Ágwo̱m'i ye, “Sonong nubo̱k riya mi

aYohana 1:18

Aner akak kun di Adakunom baꞌ. Amma asuze̱r ke Igon wu tsek, aya a ta se rifam Atek wu, ne a sak yir tú ku ren yir.

1 aKoranti 15:47

A nye anerawe afe ime̱se̱ng'e be iben tsek, aner afe afa'me ne naza a tá be̱.

aYohana 13:3

aYeso ren ye Ada'me n won ike̱re̱ cice̱r nubo̱k wu ne a ren ye wu ne nufe Adakunom, nufu Adakunom'me ne wu tù ku bun.

aRom 10:6

Amma rife̱ Adakunom natoon kute gye̱r nasho̱o̱n wu kamok kuno̱o̱k katsak fe̱ ye, “Sang tu fe̱ kaye̱e̱r riye̱ wan ye, ‘Angan tà ngarak naza e̱?’ ” (nong ase̱ a ta tiik be aKiristi.)

aYohana 6:62

To̱, ke yin di yin Igon Anerawe sen kubun naro̱ wu tú ku ne ane̱ e̱?

aYohana 3:31

“Aya a ta ne naza nar koangan. Koangan afa a ta kaye̱e̱r kazatse nye afe kazatse'me, ne a fe̱ rife̱ ike̱re̱ kazatse'me. Aya a ta ne kaye̱e̱r kaza nar koangan cice̱r.

aYohana 6:46

Akak kun di Ada'me baꞌ, ma ke aya a ta ne nufe Adakunom, wu tsek ne a kun di Ada'me.

aYohana 6:42

Iyong ba fe̱ ye, “Aser, ayu ne a nye aYeso igon aYusufu, aya yir ta ren yir anyining be atek aꞌa? Akye̱ sak wu ta fe̱ ye, ‘Mi ne naza e̱?’ ”

aYohana 17:5

To̱, kyo̱o̱rna Ada, ni tiyiik be kuyiik kuya mi tá be nasho̱o̱n wan nizham a tá ra nye kazatse.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

aYohana 6:33

Naya Adakunom nye aya a tá ne naza a tá tiik kaben ne a no̱o̱k kazatse kutser.”

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

Afisa 1:23

Áfikuus'e nye kuro̱m aKiristi. Kaye̱e̱r áfikuus'e ne aKiristi shining, kyo̱ndi wu be rice wu ta shining koakye kuri ike̱ng kaye̱e̱r koakye kuri iren.

aMatiyu 8:20

aYeso fe̱ be wu ye, “Áromong be ibong á tin no̱o̱s ne nanon be are̱, amma Igon Anerawe be karo̱ a tanin sak rice wu baꞌ.”

aYohana 3:12

Ke mi fe̱ be yin natoon ike̱re̱ kazatse yin ti no̱o̱k yin katsak rife̱ mi baꞌ, yong ane̱ ne yin tin no̱o̱k katsak ke mi fe̱ be yin natoon ike̱re̱ kaza e̱?