aYohana 21:19 - Izere New Testament

¹⁹ aYeso fe̱ anong, nong a ta tonong kuri riku aBitrus tana ku nong a tin tiyiik Adakunom. Nama rife̱ na, aYeso fe̱ be aBitrus ye, “Ni kuus!”

aYohana 21:19 Referans Kwoze

2 aBitrus 1:14

kamok mi ren mi m be̱ barak ta won kazatse na, kyo̱ndi Agwo̱m Ágwo̱m yir aYeso Kiristi tin tonong kanang.

aYohana 21:22

Amma aYeso fe̱ be wu ye, “Ke mi tú ku shim be anong a ta sor be kutser ma izen iya mi tana bun i be̱, akye̱ wan azong e̱? Wan ni kuus tsek.”

aMatiyu 10:38

Aner aya ne a sok kukon ku kutigak wu be rice wu nong a tin kuus baꞌ, a kyem a ta te anaan baꞌ.

aFilipi 1:20

Mi min te riye̱ ne i mok ye, Adakunom ti te isum baꞌ, amma mi ta se̱ kutsesek dide̱ng, nong ase̱ kyo̱o̱rna be koakye izen, aKiristi ta se̱ kuyiik kaye̱e̱r koakye mi ta nye, be kutser, ka be riku.

aYohana 12:33

aYeso fe̱ anong, nong a ta tonong kuri riku wu tana ku.

aYohana 18:32

I se anong, nong a tá shining ike̱ng aYeso tá tsang a fe̱, a tá fe̱ kuri riku wu tana ku.

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

aMatiyu 19:28

aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aMatiyu 8:22

Amma aYeso fe̱ be wu ye, “Ni kuus, won ikom ta ne̱se̱k ikom.”

aYohana 21:18

Katsak'e ne mi tá ka tak, nizen iya wan tá ruresek acam, wan kyem i te rice wan ares ne i tseng koake̱ wan tá shim, amma izen iya ne wan kop, wan ta nabak ibo̱k nong akak ta ka te ares, ne a tseng be wan naro̱ kaya wan ta shim ta tseng baꞌ.”