aYohana 21:18 - Izere New Testament

¹⁸ Katsak'e ne mi tá ka tak, nizen iya wan tá ruresek acam, wan kyem i te rice wan ares ne i tseng koake̱ wan tá shim, amma izen iya ne wan kop, wan ta nabak ibo̱k nong akak ta ka te ares, ne a tseng be wan naro̱ kaya wan ta shim ta tseng baꞌ.”

aYohana 21:18 Referans Kwoze

aYohana 13:36

Ayong aSiman aBitrus tú rip ye, “Atekasa, wan be ake̱ e̱?” Ne aYeso fe̱ be wu ye, “Yin ta kyem i tseng yin naro̱ kaya mi tù ku be kyo̱o̱rna baꞌ, amma yin tà be̱ yin nama.”

Itomong Ámanzo 21:11

A tá fa be̱ nufe yir ne a sok kudun aBulus tin rosom kutin wu a tin rosom ibo̱k be atak wu a tá fe̱ ye, “Kabik Kazhe̱l'e fe̱ ye ana ne áner aYahuda a ta se na aUshalima tà rosom atek kudun na, ne á no̱o̱k áner aya a ta nye áner aYahuda baꞌ.”

2 aKoranti 5:4

Kum yir ta rusek yir kaye̱e̱r kuro̱m na kaye̱e̱r kazatse, yir ta rus yir kamok a min firik yir, kamok yir shim ta sor yir íca'me baꞌ. Amma yir shim a tin kis yir be kuro̱m kufe kaza nong ike̱ng ife i ta be kutser ta wo̱no̱ng ike̱ng iya i ta nye ife kuro̱m iya i tana ku.

aLuka 12:37

I ta sor ike̱ng riye̱ rikan ke atekasa'me be̱ ku se̱ ba an mereng ida baꞌ. Katsak'e ne mi tá ka tak yin, a tu ku sak ba á ta sosok ne a tun ares wu nong a tu ku no̱o̱k ba naya.

aYohana 21:17

aYeso bun a tú ku rip kutak kufe ataar ye, “aSiman igon aYohana, wan ti shim a?” Ayong aBitrus nye riye̱ riwe kamok kurip kufe ataar aYeso tá bu a tú ku rip ye, “Wan ti shim be katsak a?” Ayong wu fe̱ ye, “Atekasa, Ei, wan ren koakye, wan ren mi tá shim.” aYeso fe̱ be wu ye “To̱, nyeseng ítsamang'i naya.

aYohana 21:19

aYeso fe̱ anong, nong a ta tonong kuri riku aBitrus tana ku nong a tin tiyiik Adakunom. Nama rife̱ na, aYeso fe̱ be aBitrus ye, “Ni kuus!”