aYohana 21:17 - Izere New Testament

¹⁷ aYeso bun a tú ku rip kutak kufe ataar ye, “aSiman igon aYohana, wan ti shim a?” Ayong aBitrus nye riye̱ riwe kamok kurip kufe ataar aYeso tá bu a tú ku rip ye, “Wan ti shim be katsak a?” Ayong wu fe̱ ye, “Atekasa, Ei, wan ren koakye, wan ren mi tá shim.” aYeso fe̱ be wu ye “To̱, nyeseng ítsamang'i naya.

aYohana 21:17 Referans Kwoze

aYohana 13:38

Ayong aYeso fe̱ be wu ye, “Katsak'e wan tà no̱o̱k rice wan kamok mi a? Katsak'e ne mi ta ka tak, nizham atso̱n ta ra te̱p, wan tà fe̱ ye wan ti ren baꞌ, kutak kutaar.

aMarkus 14:72

Kum atso̱n tá fa te̱p ife afa ne aBitrus yiring be rife̱ aYeso tá tsang afe be wu ye, “Atso̱n ta tsang a te̱p baꞌ, ne wan ni ton kutak kutaar,” ne a fo nanak.

aYohana 16:30

Kyo̱o̱rna ne yir ma ren yir ye wan ren koakye, sang ma akak tá rip baꞌ. Iyuna sak yir ti no̱o̱k yir katsak ye wan ne nufe Adakunom.

Ike̱ng a ta tonong aYohana 2:23

Mi tà fe̱s inoon wu cei nong ase̱ áfikuus cice̱r tà ren ye, mi ne i nye afe kuye̱re̱k aye̱ ánerawe be kuto̱ro̱ng ba cei. Mi tù ku karang koangan yin tite̱re̱ be itomong wu.

Afisa 4:30

Sang tu beseng yin Kabik Adakunom Kazhe̱l'e riye̱ baꞌ, kamok be wu ne a ta te mo yin izizo̱ nong ta sor yin afu ma katuk a tana shesh ánerawe.

Itomong Ámanzo 15:8

Adakunom afe a ta ren kaye̱e̱r riye̱ koangan tonong ye wu tu ku shan ba, kum a tú ku no̱o̱k ba Kabik Kazhe̱l'e kyo̱ndi a tin no̱o̱k yir.

aYohana 15:10

Ke yin kuus yin Itsi mi, yin tà sor yin kaye̱e̱r kushim'i, kyo̱ndi mi tá kuus Itsi Ada mi ne i sor kaye̱e̱r kushim wu.

aYohana 14:15

“Ke yin ti shim yin, yin tà kuus yin Itsi iya mi tá fe̱ be yin.

2 aBitrus 3:1

Ároneng, kufumung'i kufe afa na'me. Mi zibir afumung afa'me cice̱r nong ta ka yiring yin'e nong tin nye yin kuto̱ro̱ng gye̱r.

1 aBitrus 1:6

Kamok anong, nye yin riye̱ rikan dide̱ng, katsak yin se yin kaye̱e̱r riye̱ riwe kyo̱o̱rna gye̱rtatan kamok iriri kubo̱mo̱ng kuya ku ta ka se̱s yin.

2 aKoranti 1:12

Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.

Itomong Ámanzo 1:24

Áyong á nye aduwa á tá fe̱ ye, “Agwo̱m Ágwo̱m wan ren kaye̱e̱r riye̱ koangan anerawe. Ni tonong yir aner aya wan tan kasa kaye̱e̱r áner afa na

aYohana 18:27

Ayong aBitrus bun a ton'e gbak nizen iyong ne atso̱n kpaan ku te̱p.

aYohana 18:4

aYeso tá ren ike̱ng iya i tana ku se̱ cei, ayong a wuruk nong a tá fe̱ be ba ye, “Yin tse̱r yin angan e̱?”

aYohana 12:8

Yin tà se yin mak be áfe rizor ye̱r ye̱r, amma mi tà se mak be yin ye̱r ye̱r baꞌ.”

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

Ike̱ng a ta tonong aYohana 3:19

Áner aya mi ta shim ne mi tu zhe̱e̱r ba ne i ku te nunyi. Kamok anong, dorok be katsak, shishing kuse wan.

aYohana 21:18

Katsak'e ne mi tá ka tak, nizen iya wan tá ruresek acam, wan kyem i te rice wan ares ne i tseng koake̱ wan tá shim, amma izen iya ne wan kop, wan ta nabak ibo̱k nong akak ta ka te ares, ne a tseng be wan naro̱ kaya wan ta shim ta tseng baꞌ.”

aYohana 4:16

Ne aYeso fe̱ be wu ye, “Tseng yis amitek wan ta be̱ yin aze.”

Itomong Ámanzo 11:10

A nye anong ma kutak kutaar ne a sok kures ame a tá bun a tú bun'e naza.