aYohana 21:16 - Izere New Testament

¹⁶ Ayong aYeso bun a fe̱ be wu ife afa ye, “aSiman igon aYohana, wan ti shim kushim kufe katsak a?” Ayong aBitrus bun a fe̱ ye “Ei, atekasa, wan ren mi ka shim.” aYeso fe̱ be wu ye, “Ni sak riye̱ ni ítsamang'i.”

aYohana 21:16 Referans Kwoze

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

1 aBitrus 5:2

yin rin sak yin riye̱ natoon ánerawe Adakunom áya a ta ma ka won yin'e amana'me nubo̱k. Ni sak yin riye̱ niba be riye̱ rizining kyo̱ndi Adakunom ta shim sang kaye̱e̱r riye̱ kubeseng baꞌ. Sang tu nye yin itomong kamok itso̱m tsek baꞌ, amma kamok ifeng yin ta be yin.

1 aBitrus 2:25

Kamok yin tsang i se yin kyo̱ndi itsamang iya i ta te shaam, amma kyo̱o̱rna yin mu ku bun yin nufe Afek ne Ako̱k Kasho̱o̱n kutser yin.

Ibrani 13:20

Won Adakunom aya a ta nyesek kameneng riye̱, aya a tá dorok aYeso nure̱k kamok naso̱k kushu kufas, won wu afe a ta nye afek atek,

aYohana 18:25

aSiman Bitrus ta se be ifok kuro̱ng wu ame nunyeseng yong akak tú ku rip ye, “Katsak'e wan nye azining kaye̱e̱r álimazhiri wu ba a?” Ayong aBitrus ton'e, a tá fe̱ ye “Wayo, mi nye akak baꞌ.”

aYohana 18:17

Kanamang ka ta se be kutor kanukutu'me rip aBitrus ye, “Katsak'e wan nye azining kaye̱e̱r álimazhiri aner na a'a?” Ne aBitrus fe̱ ye, “Wayo, mi nye akak baꞌ?”

aLuka 19:10

Kamok Igon Anerawe be̱ nong a tà tse̱r ne a shesh ike̱ng i tan wei.”

aMatiyu 26:72

aBitrus bun a ton'e ma a shu ye, “Mi wor i ren aner na baꞌ.”

aMatiyu 25:32

A tà tusung ánerawe kazatse nasho̱o̱n wu cice̱r. Ne a kam ánerawe ze̱r ze̱r kyo̱ndi aner kufek ta kam ítsamang ze̱e̱r be ibon.

aMatiyu 2:6

“ ‘Yin áner aBetalami ni iben aYahuda, yin nye yin ayiik'e kaye̱e̱r ágwo̱m aYahuda. kamok kaye̱e̱r yin ne a ta se̱ agwo̱m aya a tana fek áner'i Isarela.’ ”

Ike̱ng a ta tonong aYohana 7:17

Kamok Aturuk a ta se natoon itsik rigwo̱m'e tà te afek ba. A tà tseng be ba naro̱ itop ashi kutser tù ku wuruk. Adakunom tà ka re̱ng ba nanyisi nanyisi ba cei.”

aYohana 21:17

aYeso bun a tú ku rip kutak kufe ataar ye, “aSiman igon aYohana, wan ti shim a?” Ayong aBitrus nye riye̱ riwe kamok kurip kufe ataar aYeso tá bu a tú ku rip ye, “Wan ti shim be katsak a?” Ayong wu fe̱ ye, “Atekasa, Ei, wan ren koakye, wan ren mi tá shim.” aYeso fe̱ be wu ye “To̱, nyeseng ítsamang'i naya.