aYohana 21:15 - Izere New Testament

¹⁵ Nizen iya á tá gang iya azhibi ame, yong aYeso rip aSiman Bitrus ye, “aSiman igon aYohana, wan ti shim katsak ne i nar ribir áfudang wan a?” Ayong aBitrus fe̱ be wu ye, “Ei, aYeso, wan nye Agwo̱m Ágwo̱m, wan ren mi ka shim.” Yeso fe̱ be wu ye, “To̱, nyesek naban áturuk'i naya.”

aYohana 21:15 Referans Kwoze

aRom 15:1

Yir afe kuno̱o̱k katsak yir ta be agap won i tu tobok yir aya a ta be agap nabik baꞌ, sang i tu nye yir ike̱re̱ iya i tin se yir gye̱r tsek baꞌ.

1 aYohana 4:19

Yir shim yir Adakunom kamok wu ne a san ku ni shim yir.

1 aBitrus 1:8

Yin kun ku di yin baꞌ, gye̱rtatan amma yin tu shim yin. Yin tu ye̱re̱k yin kyo̱o̱rna baꞌ, gye̱rtatan amma yin ti no̱o̱k yin katsak ni wu ne i be yin agbang riye̱ rikan kuri riya sang a tana kyem a fe̱ baꞌ.

Afisa 6:24

Ritek se mak be áya a ta shim Agwo̱m Ágwo̱m yir aYeso Kiristi cice̱r ne kushim kuya sang ku tana gang baꞌ.

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

1 aYohana 5:1

Koangan afe a ta no̱o̱k katsak ye aYeso nye aKiristi, nye igon Adakunom. Koangan afe a ta shim Ada'me, a tà shim igon'e gip.

aYohana 16:27

Wayo, Ada'me ta shim yin be rice wu, kamok yin ti shim yin ne i no̱o̱k yin katsak ye, mi ne nufe Adakunom.

1 aBitrus 2:25

Kamok yin tsang i se yin kyo̱ndi itsamang iya i ta te shaam, amma kyo̱o̱rna yin mu ku bun yin nufe Afek ne Ako̱k Kasho̱o̱n kutser yin.

Ibrani 4:13

Ike̱ng ikak kuse nune̱re̱ng nazatse nasho̱o̱n Adakunom baꞌ. Koakye ike̱ng se de̱s, i se kanang nasho̱o̱n wu. Nasho̱o̱n wu ne i ta nyeseng yir nong tà taas yir koakye ike̱ng i tá nye yir.

aLuka 22:32

Amma mi ma ka nye aduwa, fan wan bu won kuno̱o̱k katsak wan. Nizen iya wan tu bun nunaan ne i tsesek áfudang wan.”

Ibrani 13:20

Won Adakunom aya a ta nyesek kameneng riye̱, aya a tá dorok aYeso nure̱k kamok naso̱k kushu kufas, won wu afe a ta nye afek atek,

aRom 14:1

Shan yin aner aya sang kuno̱o̱k katsak wu tan kpa agap baꞌ, amma tu ku tser yin be rine̱n ike̱ng ikak ke kuto̱ro̱ng wu se ze̱e̱r be kufe yin baꞌ.

aMatiyu 16:17

aYeso fe̱ be wu ye, “aSiman igon aZhona, wan nye aner riye̱ rikan kamok sang anerawe ne a ta tonong iyu baꞌ, ma ke Ada mi afe a ta se kaye̱e̱r kaza ne a ta ka tonong.

Ike̱ng a ta tonong aYohana 2:23

Mi tà fe̱s inoon wu cei nong ase̱ áfikuus cice̱r tà ren ye, mi ne i nye afe kuye̱re̱k aye̱ ánerawe be kuto̱ro̱ng ba cei. Mi tù ku karang koangan yin tite̱re̱ be itomong wu.

1 aBitrus 2:2

Se yin kyo̱ndi inoon nazhizhe̱k'e na ta shim kuso̱ ribasang. Anong ne yin gip be yin ifeng rife̱ Adakunom, kamok be anong ne yin tà rasak yin nong ta se̱ yin kashesh yin.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aYohana 21:12

Ayong aYeso fe̱ be ba ye, “Be̱ tá te yin azhibi.” Alimazhiri wu akak kyem a tú ku rip ka wu nye angan e̱? baꞌ. Kamok ba tá ren aner'e nye Agwo̱m Ágwo̱m.

aYohana 21:7

Ne álimazhiri aya aYeso tá shim dide̱ng ame fe̱ be aBitrus ye, “Aner na nye Agwo̱m Ágwo̱m.” Kum aSiman Bitrus tá fa fok ye, “Aner'e nye Agwo̱m Ágwo̱m.” Ayong a wor bisik kukpiin wu a tá te, kamok a se ica'me nong a tá furuk a tá no̱ kaye̱e̱r ashi'me.

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

Afisa 4:14

Yir ta ba se yir kyo̱ndi inoon nazhizhe̱k'e, á tana kuzim ba baꞌ, a ta ka zim ba aze be aza be koakye kuri kubo̱so̱p ne kuri rife̱ ritse̱ng a tin wo̱ro̱k ánerawe baꞌ.

1 aKoranti 8:11

To̱, aroneng ayong afe aKiristi ta ku kamok wu aya kuto̱ro̱ng wu tan kpa agap baꞌ ta kpa kamok kuren ike̱ng yin'ong.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aMarkus 14:29

Ayong aBitrus fe̱ be wu ye, “Ko áro̱ teng cice̱r, mi tà teng baꞌ.”

aLuka 12:32

“Sang tu fok yin inyim baꞌ, yin ahiir kaming, kamok Ada yin be riye̱ rikan nong yin tà nye yin rigwo̱m mak be wu.

aMatiyu 10:37

“Aner a ta shim atek ka anyining wu ayi ne a ni nar, ta kyem a ta te anaan baꞌ. Aner a ta shim igon ka angas wu ayi ne a ni nar ta kyem a ta te anaan baꞌ.

aYohana 13:37

aBitrus bun a fe̱ be wu ye, “Atekasa, akye̱ tà sak mi ta tseng be wan kyo̱o̱rna baꞌ e̱? Mi tà no̱o̱k rice mi kamok wan.”

aYohana 1:42

Iyong a be̱ be aSiman nufe aYeso. aYeso tú ye̱re̱k ne a fe̱ be wu ye, “Wan ne i nye aSiman igon aYohana a? A tá ka yis ye aKefas” (i ta sor aBitrus).

aMatiyu 26:35

aBitrus fe̱ ye, “Ko a tin fe̱r mak be wan, mi tà fe̱ ye, mi won dar i ka ren baꞌ.” Anong ne ribir álimazhiri'me cice̱r fe̱ gip.

aMatiyu 26:33

Ayong aBitrus fe̱ be wu ye, “Ko ba teng cice̱r, mi tà teng baꞌ.”

Itomong Ámanzo 20:29

Mi ren ye nama mi tana tseng, amaan ágabu tà be̱ no̱ kaye̱e̱r yin nong á tin kpa nukpara'me.