aYohana 20:28 - Izere New Testament

²⁸ Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”

aYohana 20:28 Referans Kwoze

aYohana 1:1

Ni ime̱se̱ng'e nye Rife̱, Rife̱'me se be Adakunom, Rife̱'me nye Adakunom.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

aMatiyu 14:33

Áya a ta se kaye̱e̱r kukpara ashi'me tú ya iben ne á fe̱ be wu ye, “Katsak'e, wan nye Igon Adakunom.”

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

aLuka 24:52

Iyong á tu ya iben, ne á ku bun na aUshalima be riye̱ rikan dide̱ng.

aYohana 20:16

aYeso tú ku yis a ta fe̱ ye “aMarya!” Ayong a kirik nabas afe aYeso'me nong a tá fe̱ be wu ni irem áner aYahuda ye, “aRabbi.” (I ta sor Aner Kubo̱so̱p).

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

aYohana 20:27

Ne a fe̱ be aToma ye, “Te kaban kubo̱k wan aze na atas kubo̱k'i, ye̱re̱k ibo̱k'i, te kubo̱k wan aze naro̱ a tin tubuk. Ni no̱o̱k katsak, tá won agak riye̱.”

aYohana 20:29

Ne aYeso fe̱ be wu ye, “Kamok wan tin di ne wan ti no̱o̱k katsak. Aner riye̱ rikan ne a nye aner aya a tin di baꞌ, amma ne a ni no̱o̱k katsak.”