aYohana 20:27 - Izere New Testament

²⁷ Ne a fe̱ be aToma ye, “Te kaban kubo̱k wan aze na atas kubo̱k'i, ye̱re̱k ibo̱k'i, te kubo̱k wan aze naro̱ a tin tubuk. Ni no̱o̱k katsak, tá won agak riye̱.”

aYohana 20:27 Referans Kwoze

aYohana 20:25

Amma álimazhiri'me tú ku tak ye ba n di Agwo̱m Ágwo̱m. Ne aToma fe̱ ye, “Ma ke mi di ínya ákpe̱k ni ibo̱k wu ne ni te kaban kubo̱k'i naro̱ akpe̱k'e ne i ne te kubo̱k'i naro̱ a tú ku tubuk, ke anong baꞌ mi tin no̱o̱k katsak baꞌ.”

aYohana 20:20

Nama a tá fe̱ anong ne a ku tonong ba ibo̱k be kukafam wu. Ayong álimazhiri wu'me nye riye̱ rikan dide̱ng á tá di Agwo̱m Ágwo̱m.

aRom 5:20

Ike̱ng i tá sak a ta nye Itsi se nong rine̱n tà wuruk kanang. Amma nizen iya ne rine̱n tin barang, ne ritek Adakunom nibarang dide̱ng,

aLuka 24:40

A tá fa fe̱ anong, ne a ku tonong ba ibo̱k be atak wu.

aLuka 9:41

Ayong aYeso fe̱ ye, “Kaꞌ. Yin ánerawe izam na, I ta shonong ne i won dar i no̱o̱k yin katsak, mi ta sor ma ane̱ nong tana ka tsesek be yin e̱? Be̱e̱n igon wan'e aze.”

aMarkus 9:19

Ayong aYeso fe̱ ye, “Kaꞌ. Yin ánerawe izam na, i ta won dar i no̱o̱k yin katsak, mi ta sor ma ane̱ nong tana ka tsesek be yin e̱? Be̱e̱n yin igon'e aze.”

aMatiyu 17:17

Ayong aYeso fe̱ be wu ye, “Kaꞌ yin ánerawe izam na i tá shonong yin, yin be yin kuno̱o̱k katsak baꞌ. Ma ane̱ ne mi ta sor mak be yin e̱? Ma ane̱ ne mi ta naka mak tsesek be yin e̱? Be̱e̱n yin be acam'me aze.”

aLuka 24:39

Di yin ibo̱k'i be atak'i. Mi na be rice mi! Ni ra yin ta fok yin, itseng be kuro̱m be ikup kyo̱ndi yin ta di yin mi ta be baꞌ.”

aYohana 20:28

Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”