aYohana 20:26 - Izere New Testament

²⁶ Nama inom ikara, álimazhiri wu se kaye̱e̱r kasa ame gbak, aToma se mak be ba makong. Nanukutu se nuwhe̱se̱ng, amma aYeso be̱ a tá nyeseng natite ba, a tá fe̱ ye, “Kameneng riye̱ ra se mak be yin.”

aYohana 20:26 Referans Kwoze

aYohana 20:19

Kawheshirim tá fa nye katuk ime̱se̱ng'e na asate, nizen iya álimazhiri aYeso tá se naro̱ kazining. A n whe̱se̱ng nanu kutu kamok inyim áko̱k kasho̱o̱n áner aYahuda. Ayong Yeso wuruk a tá nyeseng natite ba, ne a fe̱ be ba ye, “Kameneng riye̱ ra se mak be yin.”

aYohana 20:21

Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.”

aYohana 14:27

Mi ta won yin caang. Kusor caang'i ne ta ka no̱o̱k yin. Sang kyo̱ndi kazatse ta nyesek ne mi ta ka no̱o̱k yin baꞌ. Sang tu daam yin, sang tu fok yin inyim baꞌ.

aLuka 9:28

Nama inom ikara aYeso tá fe̱ rife̱'ong, yong a sok aBitrus be aYohana ne aYakub mak be wu, á tá tseng natoon kawhanang nong á tá se nye aduwa azong.

aMatiyu 17:1

Nama inom igataar aYeso sok aBitrus, be aYakub, ne aYohana a tà nye aronyining aYakub, nong a tá tseng be ba natoon kawhanang kakak ka ta se garang dide̱ng.

aMarkus 16:14

Nama aYeso tin wuruk na álimazhiri wu kuso̱k be azining nizen á ta sen ya naya. A tú zhe̱e̱r ba, kamok ku won dar kuno̱o̱k katsak ba ne kushonong ba á tá gaar ku nino̱o̱k katsak rife̱ áya a tú ku di nama wu tá dorok baꞌ.

aLuka 24:36

Kum ne á ru fe̱ itak'e ne aYeso be rice wu wor a ti wuruk natite ba. A tá fe̱ be ba ye, “Kameneng riye̱ se mak be yin!”

aYohana 11:16

Ayong aToma, a tú ku yis ye, kafe̱e̱s, fe̱ be ribir álimazhiri'me ye, “I tseng yir gip nong ta se kus yir be wu.”

aYohana 21:1

Nama anong, aYeso bun a ti wuruk na álimazhiri wu nukim agbang Kudung aTibariya. Be anong ne a tonong rice wu'me.

aYohana 21:14

Iyu ne i nye ife ataar ne aYeso tosong rice wu nufe álimazhiri wu nama a tú ku dorok nure̱k.

Itomong Ámanzo 1:3

Nama riku wu, a tonong rice wu nasho̱o̱n ba, ne a ku tak ba itak ku dorok wu be kunye ike̱re̱ iriri'me. A nye kuko̱s iso̱k inaas, ne a yiir i fe̱ itak natoon rigwo̱m Adakunom.