aYohana 20:25 - Izere New Testament

²⁵ Amma álimazhiri'me tú ku tak ye ba n di Agwo̱m Ágwo̱m. Ne aToma fe̱ ye, “Ma ke mi di ínya ákpe̱k ni ibo̱k wu ne ni te kaban kubo̱k'i naro̱ akpe̱k'e ne i ne te kubo̱k'i naro̱ a tú ku tubuk, ke anong baꞌ mi tin no̱o̱k katsak baꞌ.”

aYohana 20:25 Referans Kwoze

aYohana 6:30

Iyong ánerawe'me tú rip ye, “Akye̱ kuri ike̱ng azhing ne wan ta nye nong yir ta di yir nong tin no̱o̱k yir katsak ni wan e̱? Akye̱ ne wan tà nye e̱?

aMarkus 16:11

Amma ba tá fa fok ye, aYeso'me ru nye atser, ye wu tú ku di, ba ti no̱o̱k katsak baꞌ.

Ibrani 3:18

Be ángan ne Adakunom shu ye sang á ta no̱ kaye̱e̱r nawu kufan wu baꞌ e̱? Mi fe̱ ka be áya a ta nye rine̱n e̱?

Ibrani 3:12

Ároneng, sak yin riye̱ fan akak yin bu nye amaan kuto̱ro̱ng ne a won dar a ni no̱o̱k katsak, nong a ta won kukuus Adakunom afe kutser.

aYohana 21:7

Ne álimazhiri aya aYeso tá shim dide̱ng ame fe̱ be aBitrus ye, “Aner na nye Agwo̱m Ágwo̱m.” Kum aSiman Bitrus tá fa fok ye, “Aner'e nye Agwo̱m Ágwo̱m.” Ayong a wor bisik kukpiin wu a tá te, kamok a se ica'me nong a tá furuk a tá no̱ kaye̱e̱r ashi'me.

aYohana 1:41

Ike̱ng ife ime̱se̱ng'e Adarawus ta nye, nye a tse̱r aronyining wu aSiman, a tu ku tak ye, “Yir n se̱ yir aKiristi (wu nye a nye aMasihu).”

aLuka 24:25

Ne aYeso fe̱ be ba ye, “Yin áfunam ákak, akye̱ kuri aye̱ ne yin be yin i ta won dar i ni no̱o̱k yin katsak nike̱re̱ áner kuzarap Adakunom tá fe̱ e̱?

aMatiyu 27:42

“A shesh ákak, amma ko a kyem a shesh rice wu baꞌ. Ke wu ne a nye agwo̱m áner Isarela, a ra tiik kaben nong yir tin no̱o̱k yir katsak ni wu.

aMarkus 16:13

Álimazhiri afa ame tú bun nong á tá se tak ribir afudang ba, amma ko áfudang ba'me bun á ti no̱o̱k katsak baꞌ.

aMarkus 16:14

Nama aYeso tin wuruk na álimazhiri wu kuso̱k be azining nizen á ta sen ya naya. A tú zhe̱e̱r ba, kamok ku won dar kuno̱o̱k katsak ba ne kushonong ba á tá gaar ku nino̱o̱k katsak rife̱ áya a tú ku di nama wu tá dorok baꞌ.

aYohana 20:27

Ne a fe̱ be aToma ye, “Te kaban kubo̱k wan aze na atas kubo̱k'i, ye̱re̱k ibo̱k'i, te kubo̱k wan aze naro̱ a tin tubuk. Ni no̱o̱k katsak, tá won agak riye̱.”